السوشيال ميديا: حفلة عمرو دياب فى الساحل كامل العدد.. ياريت تكون شيرين آه يا ليل عرفت حجمها

أشاد نشطاء مواقع التواصل الاجتماعى بالفنان عمرو دياب وبنجاحاته المتتالية رغم أنف المشككين فى نجوميته، ففى الوقت الذى أقام فيه حفلاً فى الساحل الشمالى شهدت إقبالاً كبيراً من جماهيره ومحبيه لدرجة أنها كانت كامل العدد، كان الحضور بالحفل الذى أقامته شيرين عبد الوهاب منذ فترة فى الساحل أيضا قليلا للغاية وهو ما يظهر الفرق بينهما من حيث النجومية وحب الجماهير، إذ قال أحد النشطاء عبر حسابه الشخصى على فيس بوك: «عمرو بيثبت كل يوم أنه أعلى نجم فى الوطن العربى مش كمطرب لا أعلى نجم باحترامه لنفسه وتنفيضه للى بيغلطوا فيه والتزامه الصمت وتجاهل الهلاسين والمشككين.. فى نفس الوقت اللى غيره بيعمل كل يوم حوار وسبوبة ولعبة وخناقة ودوشة عشان يظهر وبيتساقطوا واحد ورا التانى ولسه عمرو مكمل وهيكمل فى مكانته حتى لو غنى ريانى يافجل.. لأن الموضوع مش بس محتوى فنى .. النجومية احترام قبل أى حاجة .. وعلى فكرة أنا مش ديابينز أوى .. بس عمرو معلم تقيل أوى فى الوسط ده تقدر تقول عليه أنه ذكى رستم المنطقة دى».
وأكد أخر عبر حسابه الشخصى على فيس بوك: «عمرو دياب مغلطش لما نزل ألبوم معدى الناس لأنه فعلا معدى ناس كتير أوى فى نفس مجاله فرق كبير بين حفلة عمرو فى الساحل وحفلة شيرين اللى ياريت تكون عرفت حجمها مقارنة بيه، كفاية أن فى الحفلة اللى عملتها مكنش حاضر ناس كتير وعشان تغطى على الموقف أغمن عليها، وبالعكس مكنش فى مكان لرجل فى حفلة عمرو دياب ياريت كل واحد يعرف حجمه الحقيقى ويسكت عشان الجمهور قال كلمته».