محطة المطار السري

السرية والتكتم الشديد الذي تحيط به وزارة التعليم العالي دورتها الرياضية العربية فكرتني بجملة فكاهية من جمل الشعب المصري بخفة ظله هي جملة محطة المطار السري.. ناس كتير من ال 08 مليون ما يعرفوش ايه معني الجملة ولهم أقول: أيام الحرب أقاموا مطارات في المزارع والحقول قال يعني »تمويه« وتخفي عن عيون العدو.. الجماعة الكمسارية في اتوبيسات الطريق الزراعي اللي كان مفيش غيره زمان كانوا دايما بينادوا: محطة المطار السري!
وزارة التعليم فكرتني بالحكاية لاني كل يوم أقرأ خبر انها ستنظم دورة.. دورة رياضية للجامعات يعني شيء كبير وطبعا بيتصرف عليها كتير وكتير قوي.. وانا من اللي عارفين بتصرف كام.. ومع ذلك هي بطولة ودورة سرية لكن المرة دي بكل معني الكلمة.. محدش عارف عنها حاجة لاتليفزيون ولاراديو ولاحتي صحافة عدلة!
الدكتور هاني هلال معروف بنشاطه.. لكنه مطنش ليه علي سرية هذه الدورة.. مش عارف.. يمكن لو كانت اتعملت في سنغافورة وفيها سفر وبدلات وخلافه ما كنش ده حالها.. يمكن!