الحاج ماركو.. شرع الحياة..

من أخطر تداعيات.. وتوابع.. العملية الأخيرة للمختل السايب.. والتي اتسعت أحداثها لتشمل عددا من الكنائس تمتد علي مسافات متباعدة تصل إلي أكثر من 5 كيلو مترات في شوارع مدينة الاسكندرية!!
مكمن الخطورة وقوع الأحداث في أهم مدينة ساحلية تقع علي الشاطيء الجنوبي للبحر المتوسط والتي كانت ملتقي ومستقر آمنا لهجرات كثيرة لجنسيات مختلفة من الشرق والغرب، ومن الشمال والجنوب.
وكانت مسرحا وشاهدا لأهم الأحداث التاريخية لحضارات عديدة يرجع تاريخها إلي ما قبل الميلاد.
وقد إحرقت مكتبتها في ظروف غامضة إبان الصراع بين يوليوس قيصر والبطالمة.. ليعيد الاسكندر بناءها لتصبح العاصمة المتوجة للعالم القديم ومركزا للاشعاع الثقافي وقبلة للعالم الغربي لقرون عديدة، وقد ساعد علي ذلك التقاء الديانات الاسلامية والقبطية واليهودية.. وتعدد العرقيات لتدعم روح العالمية والتنوع والتسامح والتعاون بين بنو البشر..!!
ولما وعي الجميع أهمية هذا الثغر ودوره التاريخي سارعت دول العالم والمنظمات العالمية والمؤسسات الفكرية لاحياء الدور الثقافي لها متمثلا في إعادة بناء مكتبة الاسكندرية، وإقامة المؤتمرات والمعارض الفكرية والأدبية والفنية والانسانية.
وذلك رغم معاناة المدينة التي كادت أن تختنق من زحف العشوائيات والتصرفات المجنونة تحت وطأة العنصرية!!
فتعالوا نتكاتف لإنقاذ المارية والبرية.. من المهابيل!!
ففي المدينة كنوز مازالت مدفونة..
وها هي قصيدة للشاعر السكندري أمين قاعود لم تنشر من قبل.. يرصد فيها صورة لمجرمين الأغنياء.
بطولة الحاج ماركووو..
شرع الحياة الحاج المغربي..
حاجج في شرع الحج يطلع أجنبي إنسان غبي جاهل.. يزيح مال النبي والقطر.. يمشي في ذمته!!
وفكرته الذين عباية حلوة تستر حضرته. ورف فيه علم البيان وكيف كان.. وسبحه وشوية لبان..
وحبهان ومستكة وحدوة حصان..
محتار يصور في الإيمان.. تفقد شعورمك بالأمان
والحاج محسن محترم.. ومحترم من اللي واكل حقهم
مشهود عليهم بالكرم.. وهو مكروه منهم
والحاج ماركو مين عن الدين يبعده
والحج كرنيه بيجدده..
ويأكده.. مسلم شهادة مولده بتقول كدا
مسلم ورثها عن أبوه.. وعن والدته
وديانة المال شدته.. وسجلها.. وياما شدت ناس كتير
بيفكروا المال اللعين لو يسرقوه حيدوم سنين..
وإزاي يدوم اللي اتجمع من الآهات.. ومن الانين؟؟
اللي إحنا شايفينه دهب.. باين دهب..
لكن سبايكه من دموع المظلومين
غرور.. مظروط حضرته.. وتشوف عجب
لو مرة شحات.. وقف يستعطفه
لو حد شاف.. ينصفه
وإن كان مفيش.. يهزأه.. ويبستفه
ويلف ويقول مبدأه - ومبدأه - بدال ما تشحتوا.. اسرقوا
ويروح راكب عربيته.. وعربيته خسارة تمشي في حينا
كاوتشها بيقول غنا..!! ونمسها من غير ما يسمع حسها
وإن حسها.. ينزل ويفرش بدلته..
وبقوته يردح.. وله في الردح دبلوماسيته
ويغجر.. ونعيش في أفشات الغجر..
ونقول عسي من غير عسي
ملوش شهادة مدرسة.. شهادته من دنيا العجب..
دبلوم فنون الفلحسه.. ماجستراه قلة أدب
وموظفين يحلقوا ويزنقوا.. أو يتخلقوا..
ناس في ريانهم يقلقوا.. وإن حد غير مبدأه..
يلزقوا في أي تهمة.. الحاج علي طول يلزقوا..
والباقي طبعا يشهدوا.. ويقولوا شوفنا وشافوا
من غير ما يشفوه.. ويسجدوله.. يفرحوه..
وهو فرحان يسرقوه.. ويلعنوا أجداد أبوه..
بين بعضهم.. ويقسموا..
ومن نسيم الشر.. في رحاب الضلال يتنسموا
وهو استاذ علمهم كل الشرور.. اللي بتنبع من الطمع
فنان كبير في وضعها.. يرسم خططها بالرياء ويعدها
حتي الدفاتر له براعة في لعبها.. مش مسكها
والحاج ماركو.. عاش كدا عشرين سنة
وأما إنحني.. فاجئه القدر..
فوق السرير نايم وفي لسانه علل.. وإيده شلل.. عايز يقوم
خدام يأللعله الهدوم.. وبنت واحدة اللي وارثة ثروته
واقفه علي سريره وباين دمعها علي خده.. وجنبها جوزها
اللي واخد قلبها.. دبلوم جمال.. شباب ومال.. طماع غني
يشبه أبوها في ضلاله ومبدأه.. واللي يحب المال
إذا مال يسرقوا.. وبيسرقوا.. عامل مثالي وكل هدفه المنفعة
جرئ.. ياكلها مولعة..
بيسف برياء.. ثروة.. كانت بالرياء متجمعة
والحاج شايف.. كل دا.. أدام عينيه.. وحيعمل ايه
عاجز يدافع عن ماليته وثروته.. عاجز يشاور حتي للبنت بأديه
ويقولها.. جوزك دا طماع.. والكلام الحلو والذوق مهنته
ومهمته.. مهمته وضع القدر.. قدر بيغدر من غدر
شرع الحياة..
فوق مسرح الدنيا الكبير..
في قصة القسمة اللي أخرجها القدر..
إخراج قدير..