أحمد العوضي يشوق جمهوره لمسلسله الجديد: "الي جاي طرش وقهاوي مصر هتتدغدغ"

أطل الفنان أحمد العوضي على جمهوره ومتابعيه عبر فيديو بث مباشر على حسابه الرسمي بموقع "فيسبوك"، وقام خلاله بالكشف عن أسماء الفائزين بمسابقته الأخيرة التي قام خلالها بسؤال متابعيها وجمهوره حول قصة مسلسله الجديد المقرر عرضه بموسم دراما رمضان 2025.
وتحدث العوضي مع متابعيه حول الفائزين بالمسابقة الجديدة وأنه على علم ب"زعل" البعض بسبب عدم فوزهم بجوائز المسابقة، ووعدهم بأن القادم أفضل لمن لم يفوزوا بالمسابقات الماضية.
وقال العوضي: "وحشتوني والله ماشفتكمش من رمضان، اللايف ده على قد ما بحبه وفيه ناس بتفرح معايا على قد ما أنا مبحبوش لأن فيه ناس بتزعل وعارف ان اللي بيزعل أكتر، واللي مش هيكسب النهاردة ميزعلش هيكسب المرة الجاية، ومن ساعة ما بدأنا القصة دي مع بعض في أكتر من 300 أخ وأخت كسبوا معايا، واللي ماكسبش هيكسب مش عاوز حد يزعل ويتضايق".
وتابع "والناس اللي اختارت لي خيال علمي مش عارف إزاي؟، أنا أعمل خيال علمي يا جماعة وأنا بلاعبكم كنت حاطط خيال علمي عشان نملا الاختيارات".
وأضاف: "أنا كتبت صعيدي وشعبي وخيال علمي، والناس اللي اختارت خيال علمي معرفش اختاروا بناء على ايه؟، بس هو شعبي على صعيدي وكسبت ناس اختارت شعبي وكسبت ناس اختارت صعيدي عشان أبقى مراضي الناس كلها، بس مسلسل طرش بإذنك يا رب، والمسابقة اللي جاية هتبقى على اسم المسلسل".
يذكر أن أخر مشاركات الفنان أحمد العوضي كانت بمسلسل "حق عرب" وعرض بموسم دراما رمضان 2024.
اقرأ أيضا:
"أنا اتخرجت".. آخر ما كتبه تامر ضيائي قبل يوم من وفاته
أشرف زكي وأحمد صفوت ولقاء سويدان.. 25 صورة من جنازة تامر ضيائي