هاجمت الشعراوي وحلقت شعرها واختلفت مع والدها.. أسما شريف منير وإثارة الجدل

أثارت أسما شريف منير جدلاً خلال الساعات القليلة الماضية بعدما كشفت عن "حلق" رأسها بالكامل في فيديو كان بمثابة صدمة لجمهورها ومتابعيها وذلك عبر حساباتها الرسمية على "انستجرام"، خاصة مع قيامها بالظهور بالإطلالة الجديدة في حفل توزيع جوائز مهرجان القاهرة للدراما.
وهذه ليست المرة الأولى التي تثير فيها "أسما شريف منير" الجدل بين رواد مواقع التواصل الاجتماعي، إذ هاجمت من قبل الشيخ محمد متولي الشعراوي وتسبب هجومها في انتقادات واستهجان البعض.
ومن أبرز أزمات أسما شريف منير التي أثارت الجدل على مواقع التواصل الاجتماعي:
أسما شريف منير وهجومها على الشيخ محمد متولي الشعراوي
بدأت أزمة "أسما" عندما طلبت من متابعيها على صفحتها بموقع "فيسبوك" ترشيح عدد من أسماء المشايخ الذين يثقون بآرائهم وفتواهم نظراً لعدم ثقتها بأغلب الدعاة الذين تعرفهم، ليقترح عليها العديد منهم اسم الشيخ محمد متولي الشعراوي، إلا أن "أسما" هاجمت "الشعراوي" قائلة: "طول عمري كنت بسمعه زمان مع جدي الله يرحمه، ومكنتش فاهمة كل حاجة، لما كبرت شفت كام فيديو مصدقتش نفسي من كتر التطرف، كلام فعلاً معرفتش استوعبه، حقيقي استغربت، وهدورلكم على الفيديوهات اللي خلتني أبطل أشوفه".
ولاقت تصريحات "أسما" عن الشيخ الشعراوي نقدًا لاذعاً من قبل رواد مواقع التواصل الاجتماعي باعتباره إمام الدعاة وأفنى عمره في سبيل الدعوة حتي أن والدها الفنان شريف منير خرج في فيديو عبر حساباته الرسمية على مواقع التواصل الاجتماعي وطالب متابعيه بمسامحتها وانها لم تقصد الإساءة بالمرة للشيخ الشعراوي، لتخرج "أسما" بعدها للاعتذار في بوست نشرته على صفحتها بموقع "فيسبوك"، وعلقت قائلة: "حصل بيني وبين شخص حوار اسأت فيه التعبير عن اللي عايزه أقوله وحساه، أتفهم كلامي على اني انتقد فضيلة الشيخ متولي الشعراوي أنا بتكلم من غير ما بحسب كلامي وانا مقصدتش بأي حال من الأحوال اني اغلط أو يوصل كلامي بشكل غلط كده".
واستكملت: "وانا بعتذر جداً جداً عشان لم أستطع أن أحسن التعبير واختيار الكلمات الصحيحة وده يمكن عشان لسه بتعلم وده عن عدم إدراك أنا لسه بتكلم على طبيعتي زي أول يوم قررت اني اظهر على السوشيال ميديا، بس دلوقتي لازم اخد بالي من كل كلمة بقولها عشان كل حاجة بتتحسب عليا وده جديد عليا".
وانهت كلمتها قائلة: "كل ما في الموضوع اني كنت بدور عن مرجع ديني ودروس دينية عشان أفهم بشكل مبسط وعشان أفهم كنت محتاجة حاجة تناسب استيعابي، والشيخ الشعراوي أعمق من قدراتي لأني في حاجات فعلا مفهمتهاش، وأنا مبتدئة بحاول أتعلم وأقرب اكتر من ربنا، وعموماً أنا بعتذر فعلاً عن ذلة لساني وكلمتي، وحقيقي اني اكن للشيخ الشعراوي كل احترام وتقدير رحمة الله وجزاه كل خير، وربنا عالم نيتي ايه".
أسما شريف منير وخلافها مع والدها شريف منير
فوجئ متابعو أسما شريف منير بإلغاء متابعتها لوالدها الفنان شريف منير وذلك بعدما دخلا في خلاف معاً على مواقع التواصل الاجتماعي، لكن دون توضيح أي أسباب.
ونشب خلاف سابق بين الفنان شريف منير وابنته "أسما" وقام "شريف" بالتراجع عن موقفه وقدم اعتذاراً لها ونشر فيديو عبر حساباته الرسمية على السوشيال ميديا لأغنية الفنان مدحت صالح "أجمل بنوتة" ووجه لها اعتذاراً.
لترد بعدها "أسما" على اعتذار والدها قائلة: "هي دي تقريبًا علاقتي أنا وأبويا ناقر ونقير، أبويا برج الثور وأنا برج الحمل الاتنين طيبين بس سخنين ومتسرعين، عايزة احكي لكم على موقف مهم جدًا وأثر فيا".
واستكملت: "أبويا عمل حاجة امبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل فيديو عنده على الانستجرام بيطيب خاطري وبيقولي متزعليش قدام كل الناس، طبعاً أنا كنت طايرة من الفرحة ونسيت أصلاً إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع".
مضيفاً: "اتعلمت أن الاعتذار بيكبر الواحد جدًا عمره ما يصغره، الكبرياء اللي يخلي حد فاكر إنه لو ما اعتذر هو كده جامد ده كلام فارغ، علمني إني لما أزعل بنتي اعتذر لها لو فعلا غلطانة علشان عرفت قد ايه بيفرق في النفسية ومش علشان احنا أهل يبقي مش وارد إننا نغلط".
أسما شريف منير تقرر حلق شعرها بالكامل
فاجأت أسما شريف منير جمهورها ومتابعيها بنشر فيديو لها عبر حسابها الرسمي على "انستجرام"، وظهرت خلاله وهي تقوم بحلاقة رأسها بالكامل وأوضحت السبب وراء هذا القرار قائلة: "شعري بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل".
وتابعت: "رميت ورايا حاجات كتيرة أوي بمجرد إني شلت شعري، قلبي كان بيدق جدا وبعديها حسيت إني مليانا أدرينالين.. خطوة جريئة ومرعبة بس حاسة إني طالعة منها بدرس".
وأضافت: "عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكره هتشوفوا النتيجة الأخيرة".