السيسي: "أنا على علم بحاجات كتير بتتعمل عشان الناس تعيش حياة كريمة"

وصل الرئيس عبد الفتاح السيسي، ستاد القاهرة الدولي، لبدء احتفالية "كتف في كتف"، والتي تأتي نتاجًا لإيمان الرئيس السيسي بقدرات مؤسسات العمل الأهلي كشريك أساسي في عملية التنمية، الأمر الذي بات جليًا بعد دمج تلك الكيانات والمؤسسات تحت مظلة التحالف الوطني للعمل الأهلي التنموي قبل عام من الآن وخلال تلك الفترة الوجيزة استطاع تقديم الكثير من المبادرات والقوافل وصولًا لأكبر مبادرة في تاريخ العمل الأهلي في التاريخ "كتف في كتف".
واستعرضت قناة "إكسترا نيوز" كلمة الرئيس السيسي فور وصوله ستاد القاهرة، وقال الرئيس: "أنا مش عارف أشكركم كلكم إزاي، شايف قدام مني شباب وشابات وأعمار مختلفة، حتى لسة كان فيه متطوع صغير بيقولي إحنا موجودين، وعايز أقولكم حاجة مهمة، المصريين كلهم باختلاف طبقاتهم شايفهم هنا، شايف قدام مني شريحة من كل المجتمع المصري من رجال الأعمال والقطاع الخاص والدولة، والدنيا كلها بتقوم بدور جميل جدا في وقت صعب".
وأضاف الرئيس عبد الفتاح السيسي: "النهاردة كان لازم آجي أشكر وأقدر كل اللي بتعملوه وهتعملوه، أن إحنا نساهم في تخفيف الأزمة الكبيرة اللي بتمر بيها الدنيا ومصر من غلاء الأسعار، ونكون موجودين ونلف على البيوت ونخفف على الناس الأسعار من خلال ال5 ملايين كارتونة، بالإضافة أن فيه ناس كتير بتعمل كدة، وأنا على علم بحاجات كتير بتتعمل الهدف منها أن الناس في مصر في الأيام الكريمة دي تعيش حياة كريمة".
وتابع رئيس الجمهورية: "أشكركم، وتقديري للجميع وكلامي للجميع ودعواتي ليكن بالخير والسلام، من الحاجات الجميلة جدا إدخال السرور والبهجة على الناس وأتصور باللي إحنا بنعمله دة وبوجودكم بصرف النظر بتقدم إيه بس كفاية إنك بتخبط على بيته وبتقوله أنا شايفك وحاسس بيك.. فأنا بشكركم جميها وبقولكم كل سسنة وأنتم طيبين".