بالفيديو| خالد الجندي: بناء مصنع أهم من بناء 20 ألف مسجد

قال الشيخ خالد الجندي، عضو المجلس الأعلى للشئون الإسلامية، إن ابن قيم الجوزية، كان له كلمة رائعة وهي إذا تعارض مصلحة الإنسان مع الأديان، قدمت مصلحة الإنسان على الأديان.
وتابع الجندي، خلال حلقة برنامج لعلهم يفقهون، المذاع على فضائية dmc، اليوم الاربعاء: "شوف الكلام مصلحة الإنسان مقدمة على الدين والشرع نفسه، بدليل أن ربنا لو فى حاجة لمصلحة الإنسان بيقدمها على الشرع نفسه، ربنا فى الحج ربنا بيقولك ليشهدوا منافع لهم ويذكروا اسم الله"، مستشهدا بقول الله سبحانه وتعالى: وأذن في الناس بالحج يأتوك رجالا وعلى كل ضامر يأتين من كل فج عميق (27) ليشهدوا منافع لهم ويذكروا اسم الله في أيام معلومات على ما رزقهم من بهيمة الأنعام فكلوا منها وأطعموا البائس الفقير (28).
ووجه الجندي حديثه، لسائلة: "لما نقول بناء مصانع يبقى أهم بكثير من بناء 20 الف مسجد، ليه يعنى المصنع هو اللى بيطلع لك العيش والمكرونة، مين يجهز الطعام، للناس اللى بتخلف بالخمس بطون دون وعى وادراك، المصانع هتفتح بيوت واراضى هتستصلح، احنا مرينا بكل الأزمات العالمية وحتى الآن بفضل الله، مفيش أزمات جوع، مصلحة البلد أهم من الحديث عن فتاوى الجنابة والنفاس".