"ارتداء البكيني ولجوئها لطبيب نفسي وخلافها مع زوجها".. 12 تصريحا جريئا ل إنجي المقدم

كشفت الفنانة إنجي المقدم، تفاصيل عديدة في حياتها وعلاقتها بزوجها وموقفها من ارتداء البكيني والمشاهد الجريئة وقصة لجوئها لطبيب نفسي وتجربتها في ولد الغلابة، وغيرها من التفاصيل الأخرى.
نستعرض لكم أبرز ما قالته إنجي المقدم ببرنامج "حبر سري" في السطور التالية:
- أرفض تقديم الأدوار الجريئة.
- الأدوار الجريئة قبلات وكدة أرفضها، والبكيني أرفضه، وبرضو بشوف مين المخرج والمشهد محطوط ليه وهيتصور إزاي ولكن في المطلق أرفض هذه الأدوار.
- جوزي في البداية كان رافض التمثيل لأن في الأول كنا خايفين من المجهول والوسط الفني وما يشاع عنه وبعدين كبرنا ونضجنا وعرفنا الحقائق، وعندي طاقة عايزة تطلع على سبيل التجربة وهو مع الوقت اقتنع ودلوقتي بنتناقش في كل الأدوار.
- عن مشهد منى زكى في فيلم "اصحاب ولا أعز" فقالت: "أنا مشوفتش أي جرأة في المشهد والفكرة الناس كانت مستغربها ولكن مفيش أي جراءة لكن الفكرة خضتنا ومنى ممثلة محترفة وموهوبة".
- قالت إن الممثلة التي تمتلك موهبة منى زكى تستطيع أن تعمل كل حاجة، مضيفة: "فكرة أصحاب ولا أعز خضت الناس وفي ناس بتحب تزيط في الزيطة وتهاجم وخلاص".
- "في الأول كنت بشتغل عملين وثلاثة مع بعض وكنت عايز اشتغل وأبين موهبتي، ودلوقتي ببقى عايزة أعمل الحاجة بمزاج ومش بجري ورا اني اشتغل اكثر من اني بجري ورا الدور اللي يقدمني بشكل جديد ويكون في إضافة".
- "لو في دور جرئ كفكرة ممكن أعملها إنما غبتذال بمشاهد ملهاش لازمة بمجرد أنها تبقى تريند وتبيع ويكون ملهاش لازمة أرفضها".
- قالت إن المشاهد المبتذلة من أجل الابتذال مرفوضة بالنسبة لها، معبرة عن أمنيتها عودة تقديم الأعمال الكوميدية وأدوار "ست كوم" خاصة وأنها كانت بدايتها الفنية.
- "روحت لدكتور نفساني قبل كده وأنا مشوفتش فيها أي حاجة تكسف والمرض النفسي زيه زي أي تعب وبسبب تعب نفسي ممكن يجي أمراض عضوية، وأنا بحب أفهم نفسي وأشتغل على نفسي ولو عندي مشكلة أو عقدة افهمها وأواجهها وانا رحت لكذا دكتور لأني كنت محبطة وبمر بفترة صعبة".
- جوزي كان بيرفض الظهور في المهرجانات معايا وكنت بتقمص وبزعل لما مش بيظهر معايا في المهرجانات لكن هو طبيعته كده وأحترمها.
- نفت انجي وجود خلافات بينها وبين زوجها بسبب عدم ظهوره معها في المهرجانات، مازحة "كنت بزن عليه يطلع في المهرجانات ولقيت انها ممكن تتحول لخناقة".
- "لو كان اتعرض عليا مسلسل نسل الأغراب كنت هشوف حسب الدور، ولم أخرج من مسلسل ولد الغلابة بمشكلة وكان من أكتر التجارب اللي استمتعت بها واستمتعت بردود الفعل على دوري وخرجت منه كسبانه وغيرت جلدي فيه".
اقرأ أيضا
وفاة والد الفنان شريف إدريس
أصالة تعلن تبرعها بأجر حفل دبي لصالح ضحايا زلزال سوريا