رغم معاناته مع الغيبوبة..شريف رمزي يحتفل بعيد ميلاد شقيقه والنجوم يعلقون

شارك الفنان شريف رمزي، متابعيه عبر السوشيال ميديا، احتفاله بعيد ميلاد شقيقه "صلاح" الذي يتواجد حاليا داخل احدى المستشفيات ويعاني من غيبوبة منذ أشهر.
ونشر شريف، صورا لشقيقه، عبر حسابه على إنستجرام، وعلق: "النهاردة عيد ميلاد حبيب قلبي وأخويا الصغير صلاح، ودي السنة الوحيدة من يوم ما إتولد اللي مش عارف أكلمه أعيد عليه فيها وأقوله كل سنة وإنت طيب، لأنه للأسف ما زال في الغيبوبة اللي دخلها من 6 شهور"ز
وأضاف: "بعد إذنكم بطلب من الجميع الدعاء له بالشفاء.. كل سنة وإنت طيب يا حبيبي يا صلاح، وعقبال مليون سنة بحبك ومفتقدك قوي".
وتفاعل عدد من نجوم الفن مع تدوينته، وعلقت هنا شيحة: "حبيبي يا شريف..ربنا يشفيه ويعافيه ويرده بالسلامة ليكوا ولحياته.. ربنا كريم وبيجبر القلوب، كل سنة وهو طيب ودائما وسطيكوا". وكتبت غادة عادل :"ربنا يشفيه ويعافيه ويقومه بالسلامة يا رب". وكتبت جيهان خليل: "ربنا يشفيه يا رب". إيمان العاصي كتبت: "حبيبي الله يشفيه ويرجعه بالسلامة يا رب وتفرحوا تاني مع بعض". وكتبت بدرية طلبة:"ربنا يشفيه ويعافيه".
وكان شريف رمزي، قال عن الحالة الصحية لشقيقه في وقت سابق ببرنامج "ذا انسايدر": "هو تجاوز عمليات كتير جدا خف جسمانيا لكن لسه في غيبوبة، ودي مش في ايد أي حد في ايد ربنا مفيش دوا ياخده فيطلع من الغيبوبة، عشان كده بطلب من الناس تدعيله".
وأضاف: "يا رب يقوم بالسلامة لأنه كابوس كبير وصدمة كبيرة لينا، كلنا على طول معاه أمي وخطيبته وأنا معاه بوفق بين شغلي والمستشفى، ويا رب يقوم بالسلامة في أقرب وقت".
كان الفنان شريف رمزي كشف في أكتوبر 2022 عن خضوع شقيقه صلاح رمزي لعملية جراحية دون الكشف عن طبيعتها.
ونشر رمزي صورة شقيقه، عبر حسابه الرسمي بموقع "إنستجرام"، وعلق: "صلاح أخويا حيعمل عملية كبيرة بكرة إن شاء الله، أرجو الدعاء من الجميع".
شريف كشف عن مرور صلاح بأزمة صحية ووصف حالته بالحرجة جدا، وكتب: "أخويا صلاح رمزي في حالة حرجة جدا في المستشفى أرجو الدعاء".
View this post on Instagram
A post shared by Sherif Ramzy شريف رمزي. (@sheriframzy)