"اللي تحط مكياج بتتعاقب من خالد يوسف".. عفاف مصطفى تنشر صورة من كواليس "سره الباتع"

نشرت الفنانة عفاف مصطفى صورة لها من كواليس تصوير مسلسل "سره الباتع"، عبر حسابها الشخصي بموقع" فيسبوك".
وظهرت عفاف مصطفى في الصورة بملابس الشخصية وعلقت :" استأذنت المخرج الاستاذ خالد يوسف قبل نزول الصورة دي من مسلسل سره الباتع قبل عرضه".
وأضافت:" أول لما قولت له استاذ خالد هنزل صورة بعد اذنك قالي طلباتك كترت يا عفاف، كان لازم استأذنه أصلها مش فوضى وإلا كان العقاب هيكون شديد ليا من الاستاذ ومن الإنتاج".
وتابعت :": على فكرة الصورة طبيعية لأن ممنوع منعا باتا المكياج واللي تحط مكياج تتعاقب وتغسل وشها في اللوكيشن قدام الكاست كله المكون من المئات وقدام الكاميرا".
وأكملت عفاف :" تاني حاجه أنا مش بنزل صور شغلي إلا لما استأذن الأول، بصراحه سعدت بشغلي مع العملاق المبدع / خالد يوسف " وأسرة العمل الرائعة من أكبر منصب لأصغر واحد، ربنا يديمها عليا نعمة الناس اللي بتحبني وتدعمني دون طلب مني.. الحمد لله دائما دائما".
مسلسل"سره الباتع"، المقرر عرضه رمضان المقبل 2023، بطولة أحمد فهمي، أحمد السعدني، منة فضالي، نانسي صلاح، أحمد عبدالعزيز، هالة صدقي، إسلام حافظ، ومن إخراج خالد يوسف.