أشرف زكي قبل عام 2023: "اللهم استودعتك مستقبلا لا أعلم خفاياه"

شارك الدكتور أشرف زكي، نقيب المهن التمثيلية، متابعيه وجمهوره، أمنيته في عام 2023.
ونشر زكي، بوست، عبر حسابه على إنستجرام، وعلق عليه: "الحمد لله على عظيم نعمه".
وجاء في البوست: "29 ديسمبر 2022، اللهم اني استودعتك مستقبلا لا أعلم خفاياه، ولكني أعلم أنك خير مدبر".
وكان أشرف زكي، أصدر عدة تصريحات مؤخرا بأحد البرامج التليفزيونية، جاء فيها:
- "معرفش في ابن لسمير صبري ولا لأ، ودي حاجات اللي يحسمها الوصية والميراث الشرعي، ومحدش جالي، وأنا ماحاولتش أعرف ولم أبذل مجهودا في الموضوع".
- "أزمتي الصحية الأخيرة تعلمت منها أن الصحة مهمة ونعمة من عند ربنا لازم نحافظ عليها وكمان عشان بناتي، وكل اللي كنت بفكر فيه بناتي ومش نفسي وكمان الناس المسئولين مني والاهمال في الصحة مسألة قاسية وشوفت حب الناس الصادقين مش المنافقين".
- قرار ابتعاد النجمة الكبيرة عبلة كامل عن الفن قرارها الشخصي.
- "حاولنا نكلم عبلة كاملة كتير وهي اللي قررت وردها الدائم اللي فيه الخير يقدمه ربنا، وأنا على تواصل معها واحنا أصدقاء جدا".
- حاولنا تكريم عبلة كامل في مهرجان الدراما بعد الضغط عليها ولكنها قالت إنها غير مؤهلة.
- "عبلة كامل قالت لي يا أشرف، خليني في دورات جاية، وأنا مش مؤهلة دلوقتي واحترمنا ده، ولكن هي كويسة جدا".
- "أنا عرفت إن عبلة كامل ليها صديقة حميمة من خارج الوسط توفت وده مدخلها في حالة حزن".
- أتمنى عودة الفنانة سحر رامي، والنجم الكبير حسن يوسف ليتألقا ويُمتعونا.
- "صحة عادل إمام زي الفل ومفيش حاجة، وفي ناس متفردة للشائعات واحنا على تواصل مع أبناءه بشكل مستمر".
- "من فترة كان عنده أحد الأصدقاء والزعيم عادل إمام كلمني شخصيا وهو كويس".
- "شيء عظيم إن عادل إمام يكون نقيب الممثلين في مصر، ورحنا عملنا محاولات وقالنا أنا مش فاضي لكم وقالي محدش هينفع غيرك للمنصب وأنا وفرقتي هندعمك".
- قال إن تصريح الفنان علاء مرسي عن عدم قدرة النجوم أحمد حلمي ونبيلة عبيد ودرة على التمثيل كانا عفويا، وأنه قابل علاء مرسي عقب تصريحه وأخبره بأنه لم يقصد الاساءة وأن تصريحه كان عفويا.
- هناك ميثاق شرف أخلاقي يطبق على الممثلين في النقابة ويمنع تجريح الممثلين في بعضهم البعض، وتم تحويل كثيرين للتحقيق بسبب هذه القضايا.
* "الممثلين اللي بيطلعوا يجرحوا في بعض في ناس منهم اتحولت للتحقيق وفي ناس أخذت إنذار وفي عقوبات أخرى، وعندي كل يوم قضايا ممثلين في نقابة المهن التمثيلية، ولكن اللي يغلط في البلد شطبته ومصر أهم حاجة".
View this post on Instagram
A post shared by Ashraf Zaki - أشرف زكي (@ashrafzakyoffical)