ميرهان حسين: "فكرت في الاعتزال واتظلمت كتير في الوسط"

كشفت الفنانة ميرهان حسين، عن تفاصيل عديدة تُصرح بها لأول مرة أمام الجمهور، يخص تفكيرها في اعتزال التمثيل.
وكتبت ميرهان، عبر حسابها على إنستجرام، وعلقت: "أنا أول مرة أقولها، أنا فعلا فكرت كتير جدًا أعتزل العمل في الفن، لأني كنت شايفة إني مش متقدرة واتظلمت كتير في هذا الوسط الذي لا يمنح النجومية حسب الموهبة، للأسف بيخضع كتير للعلاقات الشخصية وبيفرض ناس لا تستحق ويعطي فرص كبيرة لناس تكاد تكون معدومة الموهبة".
وتابعت: "أنا عانيت كتير من احساسي إني أستحق فرص أكبر وأكثر تنوعًا في الوقت اللي كان بيتم اختيار شخصيات لأداء أدوار عظيمة لا تشبههم شكلًا ولا مضمونًا لمجرد صداقة فلانة بفلان و احتضان مصر لغير الموهوبين من جنسيات أخرى مع احترامي التام لأي جنسية وأي فنان أو فنانة عندهم موهبة ولايقين في الأدوار اللي بيقدموها وبيعملوا المجهود اللازم لأن التمثيل ده مش مجرد وقوف أمام كاميرا.. لأ ده عمل شاق من التخيل والمذاكرة والتقمص والتحمل والصبر وكل ده على أمل التقدير".
وأضافت: "أنا ماكنتش عايزة غير تقدير واعطائي فرص أقدر اعرض فيها أدواتي كممثلة ومغنية وقادرة على تقديم أعمال استعراضية وده اللي كان أساس اختياري في برنامج ستار أكاديمي في لبنان وإيمانهم الشديد اني أملك العديد من المواهب اللي تؤهلني للتقدم في صفوف النجومية خاصة في بلدي مصر".
ووجهت رسالة للفنانة والإعلامية اسعاد يونس، قالت فيها : "حقيقي أنا مش عارفة أقول إيه على كلامك عني.. كلامك عني ورأيك فيا شهادة عظيمة جدًا في حقي لأنه مش أي رأي ده، رأي واحدة من القليلات الفنانات العظيمات الرائدات كممثلة كوميديانة ومنتجة كبيرة ذات خبرة طويلة وكبيرة في تمييز الموهبة والأعمال الناجحة.. شكرًا من قلبي يا صاحبة السعادة على استقبالك الجميل ليا وكل كلمة قولتيها عني هي تقدير وتكريم عظيم ليا، أفتخر بيه شكرًا ليكي ولفريق إعداد برنامجك الجميل..اسعاد يونس".
View this post on Instagram
A post shared by Mirhan Hussein ميرهان حسين (@mirhanhusseinmima)