بعد قرار حبسه 15 يومًا.. حمادة صميدة فقد نجليه وباع أنابيب قبل الشهرة

قررت جهات التحقيق حبس الممثل حمادة صميدة مع آخرين لمدة 15 يومًا على ذمة القضية 1539 لسنة 2022 حصر أمن دولة عليا، إذ يواجه اتهامات بالانضمام لجماعة إرهابية ونشر أخبار كاذبة، وإساءة استخدام وسيلة من وسائل التواصل الاجتماعي.
وجاء القبض على حمادة صميدة بعد نشر أحمد الدسوقي فيديو يقوم بدور ضابط شرطة ومعه آخر، ويقومون بالقبض على فتاة وشاب من داخل سيارة وهما المتهمين الآخرين، على أساس ارتكابهم فعل فاضح فى الطريق العام.
هنا نستعرض أبرز المعلومات عن الممثل حمادة صميدة:
- ولد في 21 فبراير 1982.
- عمل في جراج سيارت، وبائع أنابيب، قبل أن يتجه للتمثيل.
- قال أثناء استضافته في إحدى حلقات برنامج "من مصر" المذاع عبر فضائية "سي بي سي": "أنا بتعرض للتنمر من زمان جدا، على موضوع سناني وشكلي، ودي حاجة بتاعة ربنا، ربنا خلقني كده، بعض الناس كانت بتقابلني وتقولي إنت شكلك وحش جدا وده كان قبل السوشيال ميديا، قبل ما أبقى في التمثيل، وفي مرة كنت منزل صورة على فيسبوك عندي وأنا شايل ابني، وده ملوش ذنب إن حد يتنمر عليه هو كمان، تقالي إنتوا الاتنين شكلكوا شبه القرود، يرضي ربنا عيل عنده سنة وشهرين يتقال عليه قرد؟".
- قال في مداخلة هاتفية لبرنامج "التاسعة" على شاشة القناة الأولى: "عملت فيلم علي معزة وإبراهيم، ودعوني للعرض الخاص مع الأستاذ محمد حفظي والأستاذ شريف البنداري، سجلت معايا كذا قناة، فالمذيع بيسألني إنت كنت بتشتغل إيه قبل كده؟، قالي طيب تمام شكرًا، تعالى على جنب كده عشان الطريق، يعني تعالي على جنب كده عشان الطريق؟، روحت البيت اتفرج على اللقاء بعدما أنا سجلت، ملقتش اللي أنا سجلته، مذاعوهاش".
* - توفى ابنيه (حمزة وياسين) عام 2020، وكتب صميدة عبر حسابه على موقع "إنستجرام"، "أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي (حمزة وياسين) أول فرحة ليا في سن خمس شهور، حسيت ساعتها أنا ومراتي إن دي النهاية خلاص والدنيا اسودت في وشي ووجع ربنا ما يكتبه لحد".
أضاف: "لكن رحمة ربنا إنه يرزقني بابني (فارس) اللي ماليش غيره في الدنيا وهو أغلى حاجة عندي وممكن أضحي بعمري علشانه، فكفاية تنمر كفاية سخرية كفاية شتيمة.. سيبوني أفرح بحاجة، بحب ابني وشغلي دول حلم حياتي، لأن دول اللي فاضلين ليا في دنيتي بقى".
ونشر حمادة صميدة صورة لنجله "فارس" وتابع: "أبوس إيديكم ارحموني لما تشوفوني بنزل صورة لابني (فارس) اللي فرحان بيه وطلعت بيه من الدنيا، أنا ماليش في الدنيا غيره أنتوا متعرفوش أنا جوايا إيه وظروفي إيه ومريت بأيام شكلها عامل إزاي، أنا عارف إن (حمزة وياسين) في الجنة وأنا مشتاق للجنة عشان أشوفهم".
- شارك في 69 عمل فني، ما بين السينما أو الدراما أو المسرح، وكان أولهم في فيلم "بوبوس" عام 2009، حسب موقع قاعدة البيانات "السينما. كوم".
- أكد الفنان أشرف زكي نقيب المهن التمثيلية ل "مصراوي"، أن حمادة صميدة ليس عضوا في نقابة المهن التمثيلية.
ا
اقرأ ايضا:
" مش تبعنا".. أول تعليق من أشرف زكي بعد القبض على الممثل حمادة صميدة
*