"كتفني وسبب حلق شعري".. شيرين تكشف مفاجآت لأول مرة عن أزمتها مع حسام حبيب

أوضحت الفنانة شيرين عبد الوهاب حقيقة علاقتها بزوجها السابق حسام حبيب وما دار بينهما خلال فترة زواجهما وما تبعها من أزمات تداولتها وسائل الإعلام خلال الفترة الأخيرة، وذلك أثناء مداخلتها الهاتفية مع الإعلامية لميس الحديدي ببرنامج "كلمة أخيرة" على فضائية "on".
نستعرض أبرز تصريحات للفنانة شيرين عبد الوهاب خلال مداخلتها الهاتفية:
1- إطلاق لقب صوت مصر عليا حاجة كبيرة.
2- أنا أسفة إني بتكلم في موضوعي والبلد فيها مشاكل أكبر بكتير، وحاسة إن موضوعي بوّخ.
3- بستغفر ربنا لأني كذبت في حاجات كتير أوي لإني بنت أصول، عشان أرفع صورة إنسان يمكن يتجوز ويبعد عني.
4- كنت قاعدة في أمان الله مع عيالي اللي شايفين الويل، وسافرنا الساحل.
5- كنت محبوسة في أوضة نومي 24 ساعة في اليوم.. وعايشة مع زوج مبيشتغلش.
6- كنت فاكرة إني بحاول أحافظ على بيتي.. بس مكانش بيت، كان مصيدة فيران.
7- جاني بلاغ بسرقة سيارتي كانت مكتوبة باسم حسام حبيب.
8- الناس فاهمة كويس إني كنت بكدب عليهم، وكنت عايشة مع راجل مش بيشتغل وكل همه حب الامتلاك.
9- أنا خدامة الراجل اللي أعيش معاه، وده مش عيب.. لكن لقيت نفسي من بعد الكورونا بتدمر.
10- حسام حبيب خسرني أمي وأصحابي والسواق بتاعي، وشايف كل الناس متآمرة عليه، فصدقته ولكن الحقيقة مش كده، ولازم يتعالج نفسيا.
11- اتطلقنا طلاق بائن لما قصيت شعري، وبعد ما هديت حسيت إنه أنا مش قادرة أستغنى عنه وبحبه وليه مديلوش فرصة تانية!
12- كنت بحب حسام حبيب، وعملت أستوديو لشغلي وشغله، واشتريت له كل الأغاني اللي عجبته.
13- حسام حبيب قالي إني تخنت وبقيت شبه أمي وهو عايز واحدة يتباهى بيها قدام الناس.
14- حسام حبيب ضربني وسحلني على الأرض وهو اللي حلقلي شعري.
15- حسام حبيب كرهني في بناتي، معندوش شغل وكان فاضيلي.
16- غنيت وأنا قرعة عشان بناتي ميتعقدوش، وحسستهم إن ده نيولوك.
17- قالوا إن حسام حبيب كتف شيرين وحلق لها شعرها.. وبالفعل هو اللي حلقلي شعري.
18- كنا في الفورسيزون وزعلانه منه، وجالي صالحني، واتخانقنا، وكان عايز ينزلني بقميص النوم عشان نتطلق.
19- شوفت أيام سودة مع حسام حبيب.. وبعد الطلاق ومحاولة الرجوع فتحنا شركة هو رئيس مجلس إدارتها.
20- كنت بدي أهل حسام حبيب شيكات، ومصاريف والدته، والشقة اللي قاعدين فيها دلوقتي أنا دافعة فلوسها لغاية آخر السنة، هو مخدش فلوس في إيده، بس أنا كنت بدي حقه وفلوسه لأمه.
21- حبته عقربة.. أنا في حياتي متأذتش من إنسان كدة.
22- أنا كنت زي البدر، ولما اتجوزته بقيت زي حسن أبوالسعود.
23- حسام حبيب كان بيمثل عليا، وأنا طلعت بنت أصول.
24- أنا بحب أعمل الخير، وأبو حسام حبيب هو المتحدث الرسمي باسم العلاقة دي.
25- خرجت من علاقتي مع حسام حبيب بالوكسة والندم، وعملتله محضر بعدم التعدي.
26- حسام حبيب استغل وجودي في الساحل وأخد عربيتي.
27- أنا اتهنت أوي وهاخد حقي.
28- موضوع حسام حبيب اتقفل، وأتجوز الفيل أبو زلومة ومتجوزوش.
29- سأتخذ الإجراءات القانونية ضد حسام حبيب لأنه أخد عربيتي
30- أنا غلطانة، وحقكم عليا.
31- حسام حبيب عطاني هدية في إيدي "رصاصة"
32- أنا ست قوية، واتظلمت.. وظلمت نفسي.
33- حسام لازم يتعالج نفسيا.
34- أنا عاوزة حقي من حسام حبيب
اقرأ أيضا:
أول رد من حسام حبيب على تصريحات شيرين عبدالوهاب (تسجيل صوتي)
"هو اللي حلق شعري".. شيرين تكشف تفاصيل صادمة لأول مرة عن أزمتها مع حسام حبيب
أول تعليق من أسرة حسن أبو السعود على تصريحات شيرين عبدالوهاب
شيرين تكشف دور ياسمين عبدالعزيز ومنة شلبي في أزمتها مع حسام حبيب (فيديو)
#شيرين_عبدالوهاب تغني "أنا مش مبيناله" على الهواء بعد تصريحاتها عن حسام حبيب.. وتوجه رسالة لبناتها#كلمة_أخيرة #لميس_الحديدي #ON@lameesh@OfficialSherine@sherine pic.twitter.com/WsJPygrPRj
— كلمة أخيرة مع لميس الحديدي (@KelmaAkhira) July 19, 2022