حسن شاكوش يوضح حقيقة اتهامه لصناع عمل أغنية "حاجة مستخبية" بالسرقة (فيديو)

أوضح مطرب المهرجانات حسن شاكوش عن حقيقة التصريحات التي أدلى بها أثناء ظهورها مع الإعلامي عمرو أديب في برنامج "الحكاية" على شاشة قناة "إم بي سي مصر".
وقال في مقطع فيديو نشره عبر صفحته الخاصة بموقع تبادل الصور "إنستجرام": "بمناسبة اللي قولته في برنامج الأستاذ عمرو أديب، كنت طالع أتكلم في نقطة إن أغنية بنت الجيران، إن الأستاذ عمرو بيقول أنها أغنية الأستاذ محمد حماقي، فطبعا أنا بقوله لأ، الأغنية بتاعتي أنا بتاعي، مليش دعوة بأغنية حماقي خالص، فكنت بكلم في إطار أن هو كان فكر بنت الجيران إن إحنا اللي سارقينها، هو كان مفكر أن أحنا واخدين بنت الجيران، الأغنية بتاعتي".
وتابع: "أنا كنت بوضح له الرؤية، إن أغنية حاجة مستخبية بتاعة الأستاذ حماقي، هي كانت يعني اللي أنا عرفته، في ناس بتتكلم، في بعض الأشخاص، قالوا إن هي لحن تركي، لحن إيه، قعدنا فترة في الكلام، من ساعة بنت الجيران ما نزلت، المهم الكلام كتير، أنا طالع أتكلم إن أغنية بنت الجيران أو أغنية حاجة مستخبية، أو الكلام ده يا جماعة".
وأضاف: "أنا مش قصدي أغلط في حق حد، أنا محبش أغلط في حد الحمد لله، كل الناس عارفة إني عمري ما بغلط في حد، ولا جبت سيرة حد وفي شغلي وفي حياتي، أنا مليش دعوة بأي حد في المجال، ولا في الشغل، وكلهم أصدقائي، وربنا يكرم الناس ويرزق كل الناس، هي دي وجهة النظر اللي بعرفها للأستاذ عمرو، إن أغنية بنت الجيران بتاعتي، وأغنية حاجة مستخبية بتاعة الأستاذ حماقي، واللي ملحنهاله أخويا وحبيبي الأستاذ مدين، طبعا هو ده الخلاف كله، وطبعا مدين متكلمين معاه مع بعض كتير، وهو ملحن من الشاطرين جدا، ومدين أخ ليا على المستوى الشخصي، وأنا بحبه، وهي دي النقطة اللي أنا طالع أتكلم فيها".
واختتم: "وتحية لكل فريق عمل حاجة مستخبية، وأنا مبحبش حد يزعل مني، ومدين أخويا وحبيبي طبعا، ولو في أي سوء تفاهم حصل أنا بقولكم متزعلوش، وكله خير إن شاء الله، وكل الناس ربنا يكرمها وأخويا وحبيبي أحلى مدين".
وكان مطرب المهرجانات حسن شاكوش، خلال ظهوره في برنامج "الحكاية" الذي يقدمه الإعلامي عمرو أديب عبر قناة MBC مصر، علّق على اتهامه بسرقة لحن أغنية "حاجة مستخبية" للفنان محمد حماقي، واستخدامه في مهرجان "بنت الجيران"، وقال: "حماقي عامل أغنية اسمها (حاجة مستخبية)، كان بقالها 5 سنين على يوتيوب عاملة 16 مليون".
وأضاف: "قالوا إحنا سارقين لحن (حاجة مستخبية)، وحصلت مفاوضات خاصة بأرباح موقع يوتيوب بين شركتي وشركة النجم محمد حماقي، واتفقنا تتقسم أي أرباح على 3 شركات.. اللي عرفته إن (حاجة مستخبية) اللحن أصلا مسروق من لحن تركي".
أغنية "حاجة مستخبية" غناء محمد حماقي، كلمات محمد عاطف، لحن محمد مدين، توزيع أحمد إبراهيم، وطرحت في أغسطس 2014، ووصل عدد مشاهداتها عبر موقع يوتيوب إلى ما يزيد عن 115 مليون مشاهدة.
مهرجان "بنت الجيران - بهوايا أنتي قاعدة معايا"، غناء حسن شاكوش وعمر كمال، كلمات مصطفى حدوتة، وتوزيع إسلام ساسو، وتم طرحه في ديسمبر 2019.
اقرأ أيضًا:
شركة "إريبيان رايتس": سنتخذ كافة الإجراءات القانونية ضد من قام بالتشهير بمدين واتهمه بالسرقة"