أول تعليق من شيرين عبد الوهاب على هجوم بهاء الدين محمد

كشفت المطربة شيرين عبد الوهاب، موقفها من الهجوم الذي شنه الشاعر بهاء الدين محمد عليها، بعد تصريحها عن ندمها على غناء أغنية "ما تجرحنيش" والتي تعاونت فيها معه.
شيرين، خلال ردها عبر خاصية "ستوري" في صفحتها بموقع "إنستجرام"، ردت على سؤال أحد متابعيها،:" إيش رأيك بكلام بهاء الدين محمد؟".
واجابت،:" والله أنا مش شايفة ليه أي مبرر".
"ماتجرحنيش"
وبدأت الأزمة بين المطربة والشاعر، عقب رد شيرين عبد الوهاب، على سؤال أحد متابعي صفحتها في موقع "إنستجرام"، :" في أغنية ندمتي عليها ؟"، واجابت :"ماتجرحنيش".
ومن جانبه قام الشاعر الكبير بهاء الدين، بالتعليق على ذكر المطربة ، اسم الأغنية التي كتب كلماتها، وعبر حسابه على موقع "فيسبوك"، كتب: "مش متعود أرد على أي حد.. ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجي عند بعض الأسماء ويحاسب ويخلي باله، وخاصة لما حد في كل كارثة يدافع عنها".
وتابع: "هتكلم باختصار جدا.. المشهد الأول: أول يوم دخلت شيرين عبدالوهاب مكتبي كانت مع الأستاذ نصر محروس اللي هو صاحب الفضل في تقديمها، وبعد دقائق من اللقاء لقينا شيرين بتبكي، وسألها (نصر) بتعيطي ليه؟ ردت علشان أنا قاعدة مع الأستاذ بهاء".
واستكمل: "المشهد الثاني: رشحتها تغني (كتير بنعشق) ولولا موافقة نصر احتراما للعشرة اللي بنا ماكانتش هتغنيها لأنها كانت موقوفة من النقابة".
وأوضح: "المشهد الثالث: لما فوجئت بمدير أعمالها الرجل اللي أنا بحبه وبحترمه لقيته بيكلمني نيابة عنها، ويقولي سمعني الجديد، وده طبعا خطأ لأن اللي بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول".
وتابع: "المشهد الرابع والأخير: أغنية (ماتجرحنيش)، أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ما كانش هيتم اللقاء، و(ماتجرحنيش) من أهم أعمالي ومن حقي أدافع عنها نتاج تهور اللي غنيتها".
واختتم: "وكمان لأول مرة ألاقى حد بيحارب نَفسه، وبيغلط في مبدعين اشتركوا في صناعته، وعشان أكتب الكلام ده يبقى شيرين غلطانة كالعادة، بس كان لازم أقولها ما تعمليش كده تاني، وأنتي بتكبري بس مش هتعدي حدود حجم بعض الأسماء ولا أعمالهم"
.