"بعتلي فويس نوت".. حقيقة خلافات كريم فهمي مع محمد هنيدي (فيديو)

اعترف الفنان كريم فهمي أنه يعتبر الفنان محمد هنيدي أستاذه، ولم يدخل معه أبدًا في أي خلاف.
وقال أثناء استضافة في برنامج "حبر سري" على شاشة "القاهرة والناس": "أنا بحبه جدا، وبعتلي فويس نوت بعد عرض فيلم علي بابا وبيضحك جدا ومبسوط وبيقولي إيه اللي أنت عامله ده، والفويس نوت دي لسه عندي من كتر ما أنا مبسوط بيها، ومفيش خلاف بينا".
وبخصوص ما أثير حول خلافهما بسبب فيلم "عقلة الإصبع"، أضاف "فهمي": "عقلة الإصبع مش حكر ليا ولا حكر لحد، هي رواية وممكن أي حد يتناولها بالشكل اللي هو شايفه، واللي قالي تعالى نعمل عقلة الإصبع كريم السبكي ومحمد أحمد السبكي من فترة كبيرة، واشتغلت عليه، واللي أنا عرفته بعدها إن الأستاذ محمد عنده برضه فكرة عقلة الإصبع، وأول ما ينزل الفيلم هخشه أول واحد، وعيب يكون بيني وبين أستاذ كبير زي هنيدي خلاف يعني".
في يونيو 2019، طرح الفنان محمد هنيدي، الإعلان الدعائي الأول لفيلمه السينمائي "كينج سايز-عقلة الأصبع"، من تأليف عمر طاهر، وإخراج وليد خيري، وإنتاج وليد صبري.
ونشر "هنيدي" فيديو الإعلان الأول للفيلم عبر حسابه على "تويتر" معلقًا: "توكلنا على الله.. الإعلان الأول لفيلم كينج سايز.. عن عقلة الإصبع" .
وبسبب حاجة الفيلم إلى استخدام أحدث تقنيات الجرافيكس، تحت إشراف شركات عالمية، أعلن الفنان محمد هنيدي، تاجيل العمل.