كسرت صباعها ولا تعرف أحلام وتعلق على وصف صوت مؤذن بالجعير.. تصريحات شيرين رضا

حلت الفنانة شيرين رضا ضيفة على برنامج حبر سري، المعروض ضمن الخريطة الرمضانية لعام 2022، لقناة القاهرة والناس، وتحدثت عن الكثير من التفاصيل الخاصة بحياتها الشخصية والفنية، كما ردت على بعض الانتقادات التي وجهت لها بسبب آراء سابقة.
ومن أبرز تصريحاتها..
- رفضت الإجابة على سؤال كان يبدأ ب"كم مرة بعد الطلاق..؟" كما رفضت استكمال قراءة السؤال مؤكدة أنه لم يعجبها.
- كشف عن إصابتها بكسر أحد أصابع قدمها قبل تسجيل الحلقة بساعات.
- وصفت الهجوم على الكاتب إبراهيم عيسى مؤلف فيلم "الملحد" الذي تشارك فيه بالمفتعل، مضيفة "الفيلم مش بيتكلم عن الإلحاد، الناس تستنى شوية يشوف هو بيتكلم عن إيه".
- وعن انسحاب الفنان مصطفى درويش من العمل، قالت "معرفش الممثل ده ومعتقدش ان الدور بتاعه مهم عشان ينسحب أو مينسحبش".
- صداقة الستات بتعمل مشاكل، معايا أصدقاء رجال من المدرسة، أعرفهم من وأنا أربع وخمس سنين، البنات فيه منهم اللي سافرت وراحت بعيد واتجوزت، واه الستات فيهم نفسنة، عمالين من سنين بنحارب ناخد حقوقنا مش ممكن ننجز أي حاجة لو بنحارب بعض.
- أنا مع مقولة إن الست أقوى عدو للست للأسف ونفسي ده يتغير.
- حبيت حد والعلاقة دي مكملتش وده كان زمان، دلوقتي معنديش وقت للحب بشتغل طول الوقت معنديش مجال في يومي يكفي حد زيادة.
- عن الفنانة أحلام "معنديش حاجة أقولها انا معرفهاش، معرفهاش ولا أعرف اغانيها وعمري ما سمعتها".
- وعن انتقادها من قبل لصوت مؤذن ووصفها له بالجعير، أوضحت "معنديش مانع في الصوت عالي أو واطي بتكلم عن مستوى الصوت مش مفروض ان أي حد يقول الاذان، المفروض اكتر حاجة تقربك لربنا بيقولك يالا نقوم نصلي نقرب من ربنا، مش كل صوت ينفع يغني او يؤدي والناس تسمعه، ده الانتقاد بتاعي لازم المؤذن يبقى صوته حلو".
- وتابعت في الموضوع السابق "مخفتش من الهجوم لإني مش بقول حاجة غلط النبي مكانش بيؤذن، لأ بلال كان اللي بيؤذن عشان صوته أحلى مش لازم البني آدم يعمل كل حاجة، هنتقد الأذان ليه هو انا عبيطة ومتخلفة ولا ضد ربنا استغفر الله العظيم، ليه بيطلعوني كده أنا ضد الصوت الوحش".
يذكر أن شيرين رضا تشارك في دراما رمضان 2022 بمسلسل "شغل في العالي"، بطولة فيفي عبده ومروان يونس، بجانب عدد من ضيوف الشرف من بينهم بيومي فؤاد، و نضال الشافعي ، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
View this post on Instagram
A post shared by Al Kahera Wal Nas (@alkaherawalnas)