السيسي: "لا بخاف ولا بيهمني ووقت ما ربنا يقولي يلا هعظم وأمشي"

طالب الرئيس عبدالفتاح السيسي بضرورة محاربة الفساد في المؤسسات الحكومية والحرص على موارد الدولة وتنميتها.
وقال السيسي، خلال افتتاح مصنع اليوريا ونترات الأمونيا بمنطقة كيما بمحافظة أسوان: الإدارة مهمة جدا وممكن كل زمايلنا في قطاع الأعمال يقولوا إحنا بندير كويس، هرد عليك بحاجة واحدة، بأمارة إيه، بأمارة مجالس الإدارة اللي فلوسها بالكوم.
وأضاف: أنا لا بخاف ولا بيهمني إلا البلد بس، العمر بتاع ربنا والمكان اللي فيه بتاع ربنا وقفت ما يقولي يالا هعظم وأمشي.
وتابع: الإدارة بتاعتنا أثبتت إنها مش ذات كفاءة تحقق النجاح المطلوب وبالمناسبة ممكن تحقق نجاح لكن النجاح ده أنت في مصر في ظروفك الاقتصادية دي مش عايز نجاح أنت عايز تفوق وقفز، وده لا يمكن إلا بحوكمة الإجراءات في كل نقطة مياه وكهرباء، لو عملنا دول نقدر نحقق ده.
ويتفقد الرئيس عبد الفتاح السيسي، اليوم الثلاثاء، مصنع اليوريا ونترات الأمونيا بمنطقة كيما بمحافظة أسوان.
كما يتفقد الرئيس محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
صرح بذلك السفير بسام راضي المتحدث الرسمى باسم رئاسة الجمهورية.