رد الرئيس عبدالفتاح السيسي على سؤال الطفلة بسملة محمد 10 سنوات، خلال احتفالية قادرون باختلاف لدعم ذوي الهمم، اليوم الأحد. وسألت بسملة الرئيس السيسي قائلة: بتشتغل كام ساعة في اليوم؟. ورد السيسي: طيب ما تقوليلي بتنام كام ساعة في اليوم أحسن، أنا معرفش أقعد من غير شغل لأني بحلم وعايز كل الناس تحلم ولما تحلم تجري على حلمها ولازم ربنا هيساعدنا. وتابع: كلنا نحلم ونقول يا رب ونجري على حلمنا لازم ربنا هيساعدنا. وأضاف: اللي بيشتغلوا معايا زهقوا مني، الدكتور مصطفى مدبولي قالي ارحمني بقى، بس هنعمل إيه، نفسنا نشوف بلدنا أحسن بلد في الدنيا، ونعمل ليكم أحلى حاجة في الدنيا وربنا اللي يعلم.