إيمي سمير غانم توجه رسالة مؤثرة لوالديها: "صورتكوا وأنتوا بتتألموا قدام عيني"

وجهت الفنانة إيمي سمير غانم، رسالة مؤثرة لوالديها النجم الراحل سمير غانم، والنجمة الراحلة دلال عبدالعزيز.
ونشرت إيمي، صورة مع والدتها وشقيقتها الفنانة دنيا سمير غانم، عبر حسابها بموقع "إنستجرام"، وعلّقت: "وحشتيني أوي، مش عارفة أستوعب فراقك أنتي وبابي، وللأسف صورتكوا وأنتوا بتتألموا قدام عيني أنا ودنيا، موجودة قدام عيني وبتخليني كل يوم بعيط، بحاول اتلهي في حاجات بس أرجع وأقعد مع نفسي يفضل قدام عيني صور توجع قلبي".
أضافت: "أنا آسفة إني بشارك معاكوا النكد ده، بس أنا في عالم تاني وإن شاء الله ربنا يكتب لي أروح أعمل عمرة عشان أكيد هكون أحسن بإذن الله".
وغادرت الفنانة الكبيرة دلال عبدالعزيز، عالمنا يوم السبت 7 أغسطس 2021، بعد صراع مع المرض منذ أصيبت بكورونا في 30 أبريل الماضي، عن عمر يناهز 61 عاما، وشُيّع جثمانها من مسجد المشير بالتجمع الخامس قبل أن يواري الثرى بمقابر الأسرة بمدينة نصر.
ورحل قبلها زوجها الفنان الكبير سمير غانم عن عالمنا يوم الخميس 20 مايو 2021، وأقيمت جنازته من مسجد المشير بالتجمع الخامس، وتم دفن جثمانه بمقابر الأسرة بمدينة نصر، واقتصر العزاء على المقابر.
View this post on Instagram
A post shared by Amy Samir Ghanem (@amysamirghanem)