"أقل حاجة نقدمها له".. تفاصيل وقوف أبطال مسرحية أبوالعربي دقيقة حدادًا على روح "سمير غانم"

كشف الفنان هاني رمزي، تفاصيل تنظيم دقيقة حدادًا على روح الفنان الراحل سمير غانم، خلال مسرحيته الجديدة "أبوالعربي"، قائلًا: "أقل حاجة إننا نقف دقيقة حدادًا، ونعلق صوره على واجهة المسرح وجوه المسرح والاستيدج، ونقوله يا رب يقدرنا إننا نبقى تلاميذك"، متابعًا: "سمير غانم منفرد وملوش مثيل، مطلعش قبله ولا بعده، ومفيش حاجة هيبقى اسمها سمير غانم نمبر 2"، مهديًا إياه المسرحية.
وأضاف "رمزي" في حواره لبرنامج "كلمة أخيرة" على فضائية "ON E" اليوم الاثنين، أن الفنان الراحل سمير غانم حفر اسمه في قلوب الجميع، وأنه فخور بالعمل معه؛ لأنه كان شخصًا رائعًا للغاية، قائلًا: "حفر في قلوبنا وشخصياتنا كفنانين حاجات كتير جدًا، اشتغلت معاه في بدايات حياتي، في فيلم سينمائي، وكنت وجهًا جديدًا، لكنه احتضنني، ووقف جنبي، وسافرنا مهرجانات بعدها، وأكلنا عيش وملح".
وتابع: "رغم نجوميته فإنه كان من سني ومحستش إنه أكبر مني؛ لأنه كان صديق كل الناس، ومتواضعًا لأبعد الحدود، كلنا تلامذته"، مؤكدًا: "مفيش حاجة اسمها سن، سمير غانم مكنش بيعترف بسنه، وكان بيهزر مع الناس، عمري ما شفته مكشر في لحظة أو زعل من حاجة، مكنش عنده مشاكل، كان بيحب الناس الصغير قبل الكبير".