صبا الرافعي تكشف حذف مشاهدها في "اللي مالوش كبير".. والمؤلف: "بدون علمي"

كشفت الفنانة الشابة صبا الرافعي عن حذف عدد من مشاهدها، ضمن أحداث مسلسل "اللي مالوش كبير"، والذي تم عرضه في السباق الرمضاني المنقضي.
وكتبت صبا عبر حسابها الشخصي على موقع "فيسبوك"، تعليقًا على صور لها من مشاهد العمل وكواليسه: "اللي كان متابع خط هويدا في اللي مالوش كبير، أحب أقول إن رغم المشاهد اللي اتشالت بدءا، من نص المسلسل للنهاية ومتعرضتش، إلا إن الدور الحمد لله نجح لإني تعبت واجتهدت فيه ولإن الحقيقة اللي بيشتغل مع المؤلف عمرو ياسين حتى لو عدد مشاهده مش كتير بينور وبيبقى في حتة تانية، وكل سنة وانتوا طيبين واللي عدى عدى واللي جاي أحلى إن شاء الله".
وعلق مؤلف العمل الفنان عمرو محمود ياسين، على منشور صبا، قائلًا: "صبا انا مقدر جدا انك بذلتي مجهود كبير في المسلسل، وقدمتي شغل كويس جدا جدا، وانتي عارفة اني على خلاف مع المخرج اللي عمل كده من ورايا، ولأسباب ليست فنية ولكن لحسابات أخرى.. عموما انتي فنانة بروفيشنال جدا وواثقة من أدواتك وموهبتك. وان شاء الله اللي جاي يكون أحسن".
"اللي مالوش كبير" تأليف عمرو محمود ياسين، إخراج مصطفى فكري، بطولة ياسمين عبدالعزيز، خالد الصاوي، أحمد العوضي، دينا فؤاد، دنيا عبدالعزيز، خالد سرحان، محمود عمرو ياسين، فتوح أحمد، عايدة رياض، أحمد عبدالله محمود.