"مش مستوعبة اللي حصل".. عازفة التيمباني عن تألقها بحفل المومياوات الملكية

أكدت رضوى البحيري عازفة التيمباني في أوركسترا حفل موكب نقل المومياوات الملكية: "مش مصدقة اللي حصل من امبارح أحنا بنجتهد في شغلنا لكني مش مستوعبة اللي حصل على السوشيال ميديا دا كله"، مشيرة إلى أنها عازفة في أوركسترا القاهرة بقسم الإيقاع منذ 15 عاما".
وأضافت "رضوى" في مداخلة هاتفية لبرنامج "صباح الخير يا مصر" على فضائية "مصر الأولى" اليوم الأحد: "عملت مع المايسترو نادر عباسي، فهو أول من أتاح لي الفرصة في الأوركسترا، وهو بيعرف يطلع مننا اللي أنتوا سمعتوه امبارح دا"، موضحًا: "أغلب من يعزفون على هذه الآلة رجال ومش كتير البنات اللي بتقدر تعزف عليها، فهي تحتاج تركيز علي جدًا لأن الغلطة بفورة، ولازم نكون متواصلين مع المايستروا ودا بيكون فيه مذاكرة كتيرة جدًا".
وتابعت، أنها تخرجت مع المعهد العالي للموسيقى، منذ عام 2005 وعملت في نفس العام، وتعزف موسيقى منذ أن كانت في السابعة من عمرها، موضحة: "والدتي دكتورة في أكاديمية الفنون ومغنية أوبرا ووالدي مدير تصوير بالتليفزيون بس مكنش في الحفلة الحقيقة عشان محدش يفتكر أنه هو اللي كان بيصورني وأسرتي فنية والموسيقى في دمنا وإحنا أطفال".
وأردفت عازفة التمباني: "قبل ما أطلع على المسرح كنت مرعوبة جدا، الرئيس السيسي كان قدامنا لأول مرة، ورهبة الحفل كانت كبيرة جدا، لكننا نقدم شيئًا للعالم كله وبالتالي كان يجب أن يكون على أكمل وجه .. الرئيس بيتعب فكان لازم نتعب ويبان التعب للناس".