كشف أحمد درويش، مدير أعمال الفنان أحمد فهمي، حقيقة ما حدث بين فهمي ولاعب نادي الزمالك شيكابالا في حفل زفاف عضو مجلس إدارة نادي الزمالك السابق شريف منير. وقال درويش، في فيديو نشره الفنان أحمد فهمي، عبر حسابه على فيسبوك : "بعد ماتش السوبر في الإمارات والاشارات البيئة التي صدرت من لاعب الزمالك تجاه جمهور النادي الأهلي.. أحمد فهمي نزل بوست عبر حسابه على إنستجرام وقال فيه يا شيكا إنت بتركب بونط على حساب نادي الزمالك وعامل نفسك زملكاوي، وانت كنت بتكلمني عن فشل احترافك في البرتغال، وكنت عايز ترجع للنادي الأهلي، وكلمتني أكتر من مرة .. وفعلا أحمد فهمي كلم مسئولي النادي الأهلي ولكن الطلب قوبل بالرفض ". وتابع:" شيكابالا.. اعتبر إن ده إهانة، وإنه اتفضح أمام جمهور نادي الزمالك.. أحمد فهمي كان أول حد دافع عن شيكابالا في موضوع التنمر الذي تعرض له وقال وقتها إنه يدعم شيكابالا وإن موضوع التنمر ده خارج الرياضة ". واستكمل :" كنا في فرح أحد الأصدقاء وهو شريف منير عضو مجلس الإدارة السابق بنادي الزمالك.. وطلب أحد أصدقاء فهمي وهو مصطفى سري وكان يتواجد بجواره شيكابالا ، وقاله تعالا يا فهمي سلم، فذهب فهمي إليه بكل ود وسلم عليهم، وهو بيسلم على شيكا قاله إزيك يا شيكا، فرد عليه شيكا: "إنت بتقول على السوشيال ميديا إن أنا بركب بونط على حساب الزمالك.. فرد فهمي عليه: ده مش مجاله.. احنا في فرح واحد صاحبنا، ومش وقته تقول الكلام ده.. فرد شيكا : لأ، إنت بتغلط فيا.. فقاله فهمي: انت غلطت في ناس تخصني.. فرد شيكا : مين.. جمهور النادي الأهلي، وتلفظ شيكابالا بألفاظ ضد فهمي وجماهير النادي الأهلي، حسب شهادة درويش. وأوضح درويش: "شفت فهمي بيرد على شيكا كمشجع وليس ممثل، ولقيته بيغلط في شيكابالا في شخصه بعيداً عن الزمالك أو جمهور الزمالك.. وتدخل الحضور بالموقف، وخدنا (فهمي) بعيد عن شيكا اللي فضل يقل أدبه بمنتهى قلة الأدب، وده بشهود عدد من الحضور ومن بينهم ابن رئيس نادي الزمالك فهو شاهد على الموقف". وأضاف: "فهمي عمل اعتبار للفرح وصاحب الفرح والناس اللي موجودة وانسحب بهدوء، وسيطر على أعصابه، وفهمي كان محترم في الموقف من أوله لآخره.. وده حقيقة ما حدث في موقف فهمي وشيكابالا ".
