"مسرح مصر".. بتلك العباراة تفجرت الأزمة بين رضا عبد العال، المدير الفني لفريق طنطا، وابراهيم سعيد، لاعب الأهلي والزمالك السابق. ابراهيم سعيد خرج في عدة مقاطع فيديو عبر حسابه الشخصي على توتير، ليهاجم رضا عبد العال،على خلفيه معرفته بأن الأخير اصدر تصريحات ضده. وقال سعيد:" ردا على رضا عبد العال، يوم الحلقة هو سمع مقطع معين على حسب مزاجه، كنت بكلم على موضوع "الماسك" و قولت احنا مش في مسرح مصر" وأضاف:" أنا أول شخص ساندك بعد تولي تدريب طنطا، والكل كان بيسخر منك، دعمتك وقولت وجه جديد في الدوري المصري، وفي مباراة الزمالك لم يعجبني تصرف معين وتحدثت عنه، وتحدثت عنك بشكل جيد بعد لقا الأهلي". وتابع:" تفاجئت امس وقبلها ظهورك مع ابراهيم فايق بسخريتك من تصرفاتي، انا هادي معاك لحد اخر لحظة، في ناس بعتالي كلام منك اغضبني". وأكمل:" أنا ما بجيش بالطريقة دي، اللى بيني وبينك شغل مش هطبطب عليك، انت انتقد كثير من الناس وسخرت أيضا منهم". واستطرد:" هتسخر من تصرفاتي همسح بكرمتك الارض، احترم نفسك، فمن الآن ما فيش كابتني، اعرف حدودك كويس، انا الحمد لله لعبت لمنتتخب مصر اللى انت لم تدخل لصفوفه". وأتم:" طالع عشان تعمل شو فانا هعرفك مين ابراهيم سعيد، لو حطيتك في دماغي هزعلك- اللى ما بينى وبينك شغل وبس، أنا بعرف اهزق وبعرف اوديك واجيبك واعصرك، حظك انى ما تابعتكش، قوم صلي ركعتين لله انى ما سمعتش الكلام". ومن جانبه خرج رضا عبد العال عبر فيديو، ردا على ابراهيم سعيد:" انتظرني بعد مران طنطا، هو ما يعرفش بيكلم مين؟، بفضل الله ثم أنا كنت سبب انه يأكل عيش، واسألو مهيب عبد الهادي هو ما بياخدوش ليه". وأضاف:" هطلع في فيديو عالمي هو اللى جابه لنفسه، وقد اعذر من أنذر". وفي نفس السياق قال رضا عبد العال مساء أمس عبر قناة "ten" :" ابراهيم سعيد هو مفلس فني، يا عم ابراهيم ما ينفعش انك تكلم بالشكل ده، عاوز تقطع فيا بشكل فني انا موافق، انت مرة كنت بتعمل شعرك احمر ومرة اصفر، اتكلم كرة، لكن ما ينفعش الهبد". وقبل يومين وعقب مباراة الأهلي، خرج عبد العال ليرد على ابراهيم سعيد بشأن وصفه بما يقوم به خلال المباريات بعباراة "مسرح مصر". وقال: "في الاستديوهات بيقولوا اني بعمل مسرح مصر، بس دي مدرسة جديدة اسمها مدرسة رضا عبد العال وأعطي اللاعب نكتة أفضل من التكشير في وجهه". وفي اخر مواجهتين لفريق طنطا تحت قيادة رضا عبد العال، تلقى الخسارة من الزمالك بنتيجة 3 أهداف لهدف، وخسر أيضا من الأهلي بهدف دون رد.
