"هقتلك يا إسرائيلي وكسرت الريموت".. الجمهور يتوعد أحمد زاهر بسبب مريم البرنس

تصدر اسم الفنان أحمد زاهر قائمة المحتويات الأكثر رواجًا، عبر موقع "تويتر"، بعد عرض الحلقة الثامنة عشر من مسلسل "البرنس".
واستقبل بعض الجمهور شخصية "فتحي"، الذي يجسدها زاهر ضمن أحداث العمل بكره شديد ورغبة في الإنتقام بعد أن ترك مريم ابنة رضوان البرنس في الشارع ضمن الأحداث.
وجاءت تعليقات الجمهور كالتالي :"أنا لو شوفت أحمد زاهر دلوقتي هاكله أكل...ده أنا كسرت الريموت الشاشة بسبب مشهد مؤثر مع البنت، حقيقي بجد انت لو إسرائيلي مش هتعمل كدة انا قربت انسي انك أحمد زاهر وان ده تمثيل والله وعايزه اقتلك ، يا جماعه بجد أنا خلاص فاضلي تكه وهروح أقتل احمد زاهر، واريح الناس من شره".
وعلق غيرهم :" ربنا ينتقم من أحمد زاهر على اللي بيعمله ده والله مش فتحي لا أحمد زاهر بجد، هو أحمد زاهر عارف ان ده تمثيل طيب إنه تلاتين حلقة و خلاص هيرجع أحمد زاهر لأنه لو فضل بالشخصية دي احتمال يعمل هتلر جديد، مجرم ليش كل هذا الشر حتى الطفلة ما في رحمة، أحمد زاهر جاحد يا جدع، ربنا ياخدك يا فتحي قصدي ياعمري، إعدام فتحي البرنس بقي شيء لابد منه علشان أكتر من كده مش عارفه هعرف ابص في وش أحمد زاهر تاني ولا إيه".
مسلسل "البرنس" من تأليف وإخراج محمد سامي، وبطولة محمد رمضان "رضوان" ، نور اللبنانية "علا" ، روجينا"فدوى"، سلوى عثمان" سميحة" ، أحمد زاهر "فتحي"، نجلاء بدر"لبنى"، إدوارد" عبد المحسن" ، دنيا عبد العزيز"شيماء" ، عبد العزيز مخيون"حامد"، ريم سامي"نورا" ، بدرية طلبة"عظيمة"، رحاب الجمل"عبير"، أحمد فهيم "رأفت"، محمد علاء"ياسر"، أحمد داش" عادل"، ومحمد مهران"حمادة".