في "شيخ الحارة".. تامر هجرس لا يمانع تقديم فيلم من إنتاج إسرائيلي

طلبت المخرجة إيناس الدغيدي، من الفنان تامر هجرس، خلال استضافته في برنامج "شيخ الحارة والجريئة"، أن يختار بين الإجابة على سؤال رفضه في البداية، وبين أن يرتدي قناعًا، فاختار التراجع والإجابة.
كان السؤال حول إذا ما كان تصريحه أن لا مانع لديه من العمل بفيلم من إنتاج "الإخوان" أكل عيش أم نفاق؟، وقال هجرس "بقول إن لو هوافق على أي فيلم هيكون عشان هو هيعمل بصمة في تاريخ مصر، بصمة في حياتي وللجمهور اللي بيتفرج عليه، ده بيبقى هدفي ان المتفرج يطلع بحاجة كويسة".
وتابع "لو منتج إسرائيلي نفس الكلام لو الهدف او الرسالة من الفيلم ايجابية وقوية جدا هوافق طبعا، لكن مش هشتغل مع ناس مش كويسة وتسببوا في آلام لناس تانية في الدنيا".
برنامج "شيخ الحارة والجريئة" تقدمه المخرجة إيناس الدغيدي، على مدار شهر رمضان الكريم، على قناة القاهرة والناس.