فيديو| بعد الخلاف.. شاكوش يغني للحضري .. والأخير يرد

بعد الخلاف بينهما إثر تصريحات شاكوش في برنامج "شيخ الحارة والجريئة"، عن الكابتن عصام الحضري وحديثه عن التصريحات المبتورة.
وجه مطرب المهرجانات حسن شاكوش رسالة للكابتن عصام الحضري، حارس مرمى منتخب مصر السابق، رسالة نشرها الحضري عبر حسابه بموقع "إنستجرام"، وقال شاكوش فيها إنه لا يقصد مضايقة الحضري بأي شكل لأنه حبيبه و"هرم مصر"، ثم غنى شاكوش مقطع من مهرجان "بنت الجيران".
ونشر الحضري فيديو اَخر يرد به على شاكوش، وقال الحضري: "شاكوش يا عم الناس حبيبي واحشني، أنا مقدرش أزعل منك أنت عارف العلاقة بينا بقالها سنين السنين السنين وأنت عارف إحنا أكتر ناس بتقف في ضهرك وربنا يكرمك أنا مبزعلش من حاجة خالص، بعض الناس بتحب تحور وتعمل حوارات وبعض الناس بتحاول توقع بين الناس وإحنا في شهر كريم، أنت حبيبي كل سنة وأنت طيب".
الخلاف بين شاكوش والحضري، جاء بعد تصريح كابتن عصام الحضري أنه لم يهنئ شاكوش على أغانيه ولكن على افتتاحه كوافير رجالي، وقال شاكوش في برنامج "الجريئة وشيخ الحارة" عن الكابتن عصام الحضري: "هو أخ ليا وعلى طول كنا مع بعض على تليفونات، بس لو مش حابب الأغاني بتاعتي طب بتجيبني في المناسبات عندك ليه؟".
وأضاف شاكوش: "طلب إني أغني في حفلة عيد ميلاد ابنته شدوى بس معرفتش أروح لأن كان يومها حفلة استاد القاهرة وكان عندي 12 أوردر غيرها، يمكن اتضايق لما مروحتش.. بس في كل الأحوال أنا مش عارف قصده إيه من الفيديو، هل عشان مروحتش أغني عيد الميلاد؟.
View this post on Instagram
A post shared by Essam El Hadary (@elhadary) on Apr 29, 2020 at 6:41am PDT