حمو بيكا يعتذر ل هاني شاكر: "عايز آكل عيش" (فيديو)

في فيديو بثه عبر حسابه الشخصي بموقع "فيس بوك"؛ اعتذر مغني المهرجانات حمو بيكا للفنان هاني شاكر نقيب المهن الموسيقية.
يأتي ذلك بعدما ظهر "بيكا" في فيديو منذ عدة أيام أعرب فيه عن غضبه لأن النقابة رفضت إعطاءه تصريح بالغناء في الحفلات.
ونشر حمو بيكا الفيديو عبر حسابه الرسمي بموقع "فيس بوك" قال فيه: "أنا آسف يا أستاذ هاني شاكر.. أنت أمير الغناء العربي، ومكنش قصدي أزعلك، أنا كل هدفي آكل عيش أنا و20 فرد تاني معايا، واللي خلاني اتضايقت إني لفيت 8 ساعات في النقابة ومش لاقي حد يعملي حاجة وأنا شغلي متعطل وواقف، وكنت عايز أمشي صح، وأنا بحبك وبعتذرلك، أنا بقالي فوق ال6 شهور واقف عن العمل، ومعايا ناس مقدرش أمشيها، إحنا نروح فين؟، إحنا اختارنا فن بسيط الناس حبيته وبتسمعه، وبيحبوا يسمعوه في الأفراح، وبدأنا نهتم بالمحتوى علشان الكلام بتاعنا بيخش بيوتنا، وأنا زمان عملت حاجات ومسحتها".
وأضاف بيكا: "لكن دلوقتي بنقي الكلام الصح، والكلام اللي حضرتك هتقوله هيمشي عليا، بس بلاش على الناس اللي معايا، إحنا كل هدفنا إننا نشتغل، ونكون نفسنا، ونتجوز، بلاش ندمر كل حاجة بنيناها، وأنا شقيت وتعبت لحد ما وصلت للي أنا فيه، وأنا بقولك أرجوك سامحني".
وكان حمو بيكا قد شنّ هجومًا على نقابة المهن الموسيقية من خلال فيديو بث مباشر -حذفه لاحقًا- من داخل مقر النقابة، مشيرًا إلى أن نقابة المهن الموسيقية طلبت منه مبلغ 300 ألف جنيه مقابل دخول النقابة، وانتقد حمو بيكا أعضاء النقابة وعلى رأسهم الفنان هاني شاكر نقيب الموسيقيين.
أصدرت نقابة المهن الموسيقية بياناً جاء فيه "ردًا على الفيديو المسئ للمدعو حمو بيكا الذي لا يعترف فيه بالغناء المصري الأصيل ونجوم الغناء المصريين وأنه في حالة عدم حصوله علي عضوية النقابة سوف يحطم مبنى النقابة وأدعى كذبًا على أعضاء المجلس بأقوال مُجرمة في قانون العقوبات"، مضيفة "كان ذلك بسبب رفض النقابة التصريح له بالغناء في حفل بمدينة دمياط وإبلاغ الجهات الأمنية بإيقاف الحفل".