"عايز ولادي مرسومين".. السيسي يستنكر زيادة وزن طلبة الجامعات

كتبت - ياسمين محمد وأحمد الصعيدي:
وجه الرئيس عبد الفتاح السيسي، بالنظر في شكل ومستوى لياقة الطلاب في الجامعات والمدارس المصرية، مشيرًا إلى أن الطلاب الذين ظهروا في "الفيديو" الخاص بمسابقة أفضل جامعة، والأكاديمية الوطنية لتأهيل الشباب، أوزانهم مرتفعة.
واستنكر الرئيس، خلال كلمته بجلسة "بناء قادة المستقبل" ضمن فعاليات اليوم الثالث لمنتدى شباب العالم، بمدينة شرم الشيخ، وجود وسائل مواصلات داخل الجامعات: "انتوا عملتوا مواصلات داخل الجامعة؟ الناس مش قادرة تمشي؟ لازم يكون فيه قياس حقيقي، ياريت الدكتورة هالة زايد، وزيرة الصحة تشوف الموضوع".
ووجه الرئيس، مسؤولي الأكاديمية الوطنية لتأهيل الشباب، بوضع معايير لاختيار الشباب الملتحقين بالأكاديمية، منها ما يتعلق بالوزن: "ادمجوا ثقافة إن الإنسان ياخد باله من نفسه، مش هينفع يبقى وزنه زايد وهو قبل ال30، لازم يبقى فيه انطباع جيد من خلال المظهر، الوزن الزايد معناه إن مفيش لياقة".
وأضاف الرئيس: "بتحبوا ولادكم ولا عايزين نقول كلام حلو ونصقف ونشمي؟ أنا عايز ولادي ينظر لهم بالبنان كإنهم مرسومين".
وتحدث الرئيس عن انتشار وسيلة "التوك توك" بالأحياء، قائلًا: "التوك توك عمل مشكلة كبيرة في بلدنا، النهارده الناس بتتحرك 100 متر جوا الحي بتاعها بالتوك توك، المفروض تمشوا يا جماعة، بس لو حد صحته مافيهاش مفيش مشكلة".
وتابع: "الأمة ذات الشأن، بتفتش في نفسها بكل شيء: كلمة، لفظ، سلوك، وزن، علشان نحط نفسنا بين دول العالم".