كشفت الفنانة يسرا اللوزى عبر حسابها على موقع تبادل الصور والفيديوهات "إنستجرام" استقبالها طفلتها الثانية، حيث نشرت صورة قدم طفلة صغيرة. وكتبت يسرا اللوزى : "من حوالى أسبوعين، وصلت "نادية" بالسلامة الحمد لله وبكده بقيت "أم البنات" شكرا لكل الناس اللى سألت عليا ووقفت جنبى لما كنت قلقانة من الولادة فى زمن كورونا، وربنا يقوم كل الأمهات بالسلامة". وكانت يسرا اللوزى نشرت قبل أيام، فيديو عبر حسابها بموقع "إنستجرام"، وتظهر عليها علامات الحمل فى الشهور الأخيرة بشكل كبير. وعلقت عليه: "يارب الناس كلها تكون بخير ويخدوا بالهم من نفسهم وميخرجوش زى ما كلنا بنعمل .. بس سؤالى الأهم زميلاتى الحوامل اللى قربوا يولدوا عاملين إيه قلقانين من أيه متخيلين أيه هيحصل فى الولادة لما نيجى نروح المستشفى فى ظل الفيروس الجميل حبيت اشاركم مخاوفى واشوف انتو حاسين بايه وبتفكروا فى ايه"، مضيفة: "إلى زميلاتى الحوامل عاملين إيه فى الهم ده؟".