فاروق جعفر مدرب تشيلسى

كل ما يكتب هنا هو تقرير تخيلى ليس له علاقة بالواقع .. لكننا نتخيل عالما بواقع مصرى و كفى.
مساحه اعلانيه

فاز تشيلسى بالدورى الانجليزى هذا الموسم الا ان مالك النادى رومان أبراموفيتش لم تعجبه النتائج وخاصة ان هدفه دورى الأبطال فيقرر اقالة البرتغالى جوزيه مورينيو والبحث عن مدير فنى أجنبى الا أنه يكتشف أن المدرب المصرى فاروق جعفر فى لندن ...!
-اهلا مستر روقة
- حبيبى يا خواجة والله بنسمع عنك كل خير
-عايزينك تدرب النادى بتاعنا
-اه عارفكو بتلبسو ازرق انتوا وعملين شغل حلو
-أزرق...! ماشى...هتاخد كام كابتن روقة
-بص انا مبحبش اقاطع بس انت ممكن تسأل عليا فى طلائع الجيش والمصىرى و الترسانة اللى بتلبس ازرق زيكوا
-خلاص روقة.. الى عايزه ..فيه طلبات تانية؟!!
-اه انا بحلل الدور المصرى قى استوديو النيل ومش هينفع اسيبه عشان فيه سبوبة حلوة
-بقولك تشلسى تقولى سبوبة وأزرق..أنا كنت فاكراك عالمى!!
-لا أنت بتكلم روقة ملك النص وبعيد أنا عايز صفقات جديدة
-عايز مين حبيبى؟!
-عايز حسام عبد العال وسامح العيدروسى
-دول بيجوا منين خبيبى؟!
-لا دول هاجبهم فى ايدى وأنا جاى ونبقى نتحاسب بعدين.

............................................................
أول اجتماع مع اللاعبين
و فى أول لقاء مع لاعبين تشيلسى فى فترة الاستعداد للموسم الجديد
"هاتلى كرسى ياد يا ويليان وتعالوا نقعد عشان عايز اقول كلمتين"
"خلونا نتكلم كفنيين ..اللياقة الذهنية والنفسية قبل أى مباراة مهمة جدا لأن الكرة الدفاعية مان تو مان خلصت من زمان ..الله يا روقة يا سلام على الكلام ..المهم انا عايز فبريكاس ده يبقى اسطى كده فى نص الملعب ولازم نتعلم ناخد ازاى ضربة جزاء ...قوم كده يا عيدروسى وريهم ازاى"
هازارد محدثا تيرى: "كابتن..أنت فاهم حاجة من الراجل ده؟!!"
تيرى غاضبا:...........................................
.............................................................
يلعب تشيلسى أول مباراة له مع وست هام الانجليزى وسط ترقب عالمى لظهور المدرب المصرى فاروق جعفر لأول مرة فى الدورى الانجليزى
تشكيل المباراة :
حارس المرمى: بيتر تشيك "بيحب الخبرة"
الدفاع: ازبليكوتا – جون تيرى – كاهيل – زوما – ايفانوفيتش –فيليب لويس "عشان مبيحبش الدفاع الكتير"
خط الوسط: حسام عبد العال – فابريجاس - راميريس
الهجوم: سامح العيدروسى

المباراة تنتهى 6-0 لصالح وست هام وأبراموفيتش يقرر اقالة فاروق جعفر والبحث عن مدرب أخر و لكن فاروق جعفر يقرر اقامة مؤتمر صحفى للرد.
فاروف جعفر متعصبا: "أنا مخدتش فرصتى أنا كنت عايز اطور فى الكرة الانجليزية..كان لسه فيه شغل بدنى وتكتيكى كتير..كنت عايز افضى الملعب للقادمون من الخلف وهى ديه الكرة الحديثة لكن أنا مقولتش لحد يدافع ...وبعدين اللاعيبة مبتخدش فلوسها ....تشم رايحة تى شيرت لاعبية تشيلسى تلاقيها واحشة عشان المغسلة مش شغالة....وفلوسى مش هاسيبها ومش هحاسب على مشاريب المؤتمر ده".