(خاص كلمتنا : حركة اصلاحيون بجامعة القاهرة

امتلأت الطرق بصور ومعلقات قام بنشرها مجموعة شباب إصلاحيون تحت مسمى - يوم فى حب مصر-بداخل جامعة القاهرة
وتم توزيع أوراق مكتوب بها ما يلى :
" إيه يا جماعة ! هو منتخب مصر هيلعب فى الجامعة النهاردة ولا ايه؟
لا يا عم لعب إيه ومنتخب إيه .. الموضوع أكبر من كدة بكتير
طيب قولى يا عم الموضوع الكبير وفهمناالموضوع وما فيه ان النهاردة يوم الحرية العالمى وكل دول العالم بتحتفل بيه .. واحنا مش اقل من كل الناس واحنا قررنا اننا نحتفل باليوم بطريقتنا الخاصة..
إزاى يعنى ؟؟
إحنا قلنا نخلى اليوم ده اسمه يوم فى حب مصر طيب وازاى نحب مصر وايه دخل الحرية فى حب مصر
هاقولك بكل بساطة حب مصر مش بالكلام وعشان كدة احنا قلنا لازم نكون نماذج عملية ونشارك فى نهضة مصر واصلاحها وعشان نحقق الخير والتقدم لمصر اول خطوة هى "حرية مصر"
يا عم بلاش الكلام الكبير ده !!!
بص بكل بساطة احنا ممكن نكون ايجابيين ونغير الوضع اللى احنا فيه والفساد اللى موجود فى البلد واقرب فرصة هى انتخابات مجلس الشعب وممكن تخلى صوتك نور يضى الضلمة اللى حوالينا
لازم نشارك ونحافظ ع اصواتنا ونختار الناس اللى يحققوا احلامنا وآمالنا
وكمان فى الجامعة لازم نقف كلنا ورا الحكم التاريخى بطرد حرس الداخلية من الجامعة علشان الجامعة تستقل عن الأمن ونمارس انشطتنا ونعرف الطالب بحقوقنا وكمان عشان الأساتذة ياخدوا حقوقهم بدون تدخل وكلنا شفنا الشطب والتزوير اللى حصل فى انتخابات الطلاب وانهم عينوا ناس مش بتخاف على مصالحنا ويرجعوا لشغلهم فى حفظ امن الشوارع واحنا اكتر ناس نخاف على جامعتنا ونحميها"
وانتشرت هذه النشرات والمعلقات فى كل مكان وخصوصا بكليتى العلوم ودار العلوم
وإلتقطت عدسة كلمتنا صور من المعلقات وشباب حركة اصلاحيون