طلاب 6 ابريل يدعون الى انتفاضة جامعات مصر اليوم

دعا طلاب حركه 6 ابريل الى اعتصامات واحتجاجات فى كل جامعات مصر اليوم 13 سبتمبر للمطالبه باقاله القيادات الجامعيه ..
ويقول أحد طلاب الحركة عن الحمله : قالوا استنوا نهاية السنة الدراسية ..واستنينا ..ايه حجيتكم ايه بقي ؟
ده هيبقي يوم إحتجاجي وبداية في التصعيد...يعني لو بعد اليوم ده منفذوش مطالنا بإقالة القيادات الجامعية اللي كانت موجودة من ايام مبارك اللي كانوا بيتعاملوا مع أمن الدولة واللي كانوا بيزوروا انتخابات اتحاد الطلبة واللي بيدخلوا البلطجية علي الطلبة اللي بيقولوا يسقط مبارك واللي كانوا بيفصلوا اي حد كان ضد نظام الحكم...
الناس دي لازم تتغير
...
دلوقتي إحنا في مصر الثورة..لازم منسيبش الثورة ترجع للخلف..
إحنا عايزين نقيل الناس دي ..لأننا عايزين الجامعات تستقر.. إستقرارنا هو إستقرار النسور أعالي الجبال .أما إستقرارهم هو إستقرار الدود في صناديق القمامة.
الانتفاضة دي بداية...
هنقولك يا طالب نفس الكلمة اللي قولناها قبل يوم 25 يناير..لو بقينا لوحدنا مش هنعمل حاجة..لكن لو بقينا كتير أكيد هنغير مصر
يوم 13-9 نازلين في كل الجامعات عشان نقول لازم إقالة رؤساء الجامعات اللي مبارك كان معينهم عشان يكونوا مكانه في الجامعات..يقمعوا الطلبة ويضيعوا عليهم فرصة إنهم يبقوا شباب واعي ونواة لمصر أفضل..نقول إفالة لرؤساء الجامعات اللي كانوا بيتعاملوا مع أمن الدولة مباشرة..
هتشارك؟؟
من الجدير بالذكر مشاركه العديد من الاحزاب والقوى السياسيه لهم فى هذا الاحتجاج منهم :
القوي السياسية المشاركة:
طلاب حركة شباب 6 ابريل
طلاب حركة شباب من أجل العدالة والحرية
حملة دعم البرادعي بجامعة عين شمس
طلاب الاخوان المسلمون
مجموعة أحرار جامعة عين شمس
طلاب حزب التحالف الشعبي
حمله دعم البرادعي ،جامعه المنصوره
طلاب الحزب الاشتراكي المصري
إتحاد الطلاب الديموقراطيين
رابطة فنانى الثورة جامعة حلوان
مجموعة أحرار جامعة القاهرة
الاشتراكيين الثوريين
حركة مقاومة
حركة حقي
وجميع إتحادات الطلاب في كل الجامعات