بالفيديو: صابرين : كفاية كلام عن الحجاب والنقاب الموضوع اخد اكبر من حجمه

استضاف الإعلامي " عمرو الليثي " الفنانة " صابرين " في برنامجه "لا " اللي بيتذاع علي قناة التحرير، وقالت في أول البرنامج إن أصعب لا قالتها هي لما رفضت اول سيناريو جالها بعد مسلسل " ام كلثوم " لما قررت إنها تعتزل الفن، واتكلمت عن النظام السابق وقالت إنه استغل الفن لصالحه، وإن الفن في النظام السابق مكنش متقدم بأي شكل، وإنه كان سبب لإنتشار افلام العري في الفترة اللي فاتت، وإن الدولة اتراجعت عن مساندة الإنتاج السينمائي في مصر، وإن في فنانين كتير استغلوا النظام السابق في مصالحهم الشخصية، وإنه مكنش نظام نظيف،وعن نفسها قالت إن حجابها خصم فرص كتيرة ليها في السينما، وإنها مكنتش هتقبل جمال مبارك رئيس لمصر عشان هو ميصحلش يكون رئيس لمصر، وإنها خايفة من حكم السلفيين للبلد وحكم الأخوان، بس في نفس الوقت تقبل إنها تشتغل في فيلم من إنتاج الاخوان المسلمين.
شوف الحلقة كاملة وتصريحات صابرين حوالين موضوع حجابها والاوضاع في مصر