بلدنا بالمصري 2مارس. الجزء الثالث.. شفيق وحديث عن وزارة الداخلية وأمن الدولة

في هذا الجزء حدثت مشادات بين احمد شفيق والضيوف تحديدا الدكتور علاء الأسواني.. حول أمن الدولة في كل جوانبه
عن وزارة الداخلية وأمن الدولة
- "عندما كلفت بتشكيل الوزارة فى اول يوم طلبت تقسيم وزارة الداخلية لوزارتين جزء لامن الدولة والداخلية تصبح وزارة الشرطه لوحدها"
- "جهاز امن الدولة له دور مقدس بغض النظر عن اخطاء الكثير داخله".
- "أمن الدولة له دور نمذجى لو معملوش يبقى ينذبح، ويجب ان ينفصل عن نظام الشرطه"
- "امن الدولة مهمتها حماية الدولة وليس النظام ويرتبط بالامن القومى"
- "احنا بنحاول نعمل بين الشرطه والمجتمع جلسات علشان نتكلم هنعمل ايه فى المرحلة القادمة"
- "اللجان الشعبية سيكون لها دور الفيصل بين الشعب والشرطه وسيكون لها صلاحيات وكلامها سيكون نافذ على الجميع"
- "لنجعل لكل لجنة شعبية تضم قاضى وافراد من الشعب والشرطه وتكون هى الفاصلة لكل ما يحدث فى المنطقه التابعه لها ونعمل اختلاط بين الشعب والسلطه والقضاء"
نقاش حول أمن الدولة بين شفيق وحمدي قنديل والأسواني وساويرس
- شفيق : "انا كلفت بالوزارة مش فى ظروف طبيعية، كنت بطلب من اول يوم الغاء جهاز امن الدولة من الداخلية"
- أحمد شفيق: "لو مش هنعرف نعمل جهاز امن دوله نجيب ناس تعلمنا من بره"
- حمدى قنديل للفريق احمد شفيق : " المؤسف فى جهاز امن الدولة ما قراناه اليوم فى الجرائد بعد ما حضرتك صرحت الافراج عن جميل المعتقلين السياسى فالا تعتقد انك تتحمل مسؤلية من كان معتقل حتى اليوم من شباب 25 يناير"
- شفيق: "الان الدولة ملتزمه عدم وجود اى معتقل سياسى"
- علاء الاسوانى: "السجون تمتلىء بالمعتقلين قبل 25 يناير"
- شفيق: " هو انا ماسك بقالى اد ايه"
- حمدى قنديل لشفيق: "هل انت لا تزال تسق فى كلام وزير الداخلية لما يقلك 25 معتقل!!"
- علاء لشفيق : "مسمعتش خالص ان فيه تعذيب فى امن الدولة"
- شفيق: "مش شغلتى يا علاء انت ليك ان تحاسبنى منذ اللحظه اللى مسكت فيها، ويجب ان يكون امن الدوله يعمل فى نظام محترم"
- علاء الاسوانى لشفيق : "يجب الغاء امن الدولة"
- شفيق : مينفعش الغاء سيبنى الفهمك
- علاء : سيبنى انا بقى اللى افهمك
- فوده يفض الموقف : الغاء امن الدولة بشكلها الحالى
- شفيق : احنا فى حاجه لجهاز امن الدولة ونظبطه من جواه
- شفيق: خلينا نصبر ونشوف امن الدولة بعد اعادة تكليفه ونحكم عليه
- علاء الأسواني: "اللى مات هو الشعب المصرى ومفيش محاسبه للى قتلهوم.. بلطجية بيهاجموا المدارس اول مرة اشوف بلطجى يروح مدارس ابتدائى وحد عاوز يوصلى ان ولادك مش فى امان وسيادتك يا د شفيق ملزم بامن المصرين ويجب وجود محاكمة حقيقية للشرطه
- عمرو حمزاوى لأحمد شفيق : "بعض العناصر داخل الشرطه متورطه فى اهدار دم المصرين، فهل ترى وجود لجنة تحقيق اوسع لمحاسبة المسؤلين"، وشفيق يجاوب بالتاكيد على ذلك
ساويرس: "مهمة امن الدولة يجب ان تكون فقط مكافحة الارهاب"