قمة الزمن الجميل

‮ ‬في أيام الشباب أيام الزمن الجميل وقبل لقاء القمة بين الأهلي والزمالك كان الأعلام المصري في ذلك الوقت‮ (‬الصحف والمجلات القومية وبعض صحف الأندية وبرنامج رياضي‮ ‬يوم الاثنين‮ - ‬الكورة في أسبوع‮) ‬يتحدثون عن الجوانب الفنية الخاصة باللقاء
‮ ‬التشكيل ومن سيكون اللاعب المفاجأة؟ من في الزمالك سيراقب الخطيب ومصطفي عبده وشريف عبدالمنعم؟ كيف سيتغلب الأهلي علي تفوق خط وسط الزمالك فاروق جعفر وحسن شحاته وطه بصري‮ ‬ياتري مصطفي‮ ‬يونس حيتقدم ورا الفراوده‮ ‬حيسيب علي خليل؟
‮ ‬براحته طبعا حسن حمدي وزير الدفاع موجود محمود سعد وسامي منصور حيعملوا إيه مع المجري؟ أكرامي ولا ثابت البطل اللي عليه الدور‮.‬
‮ ‬الزمالك ماعندوش‮ ‬غير عادل المأمور‮ - ‬محمد توفيق وأحمد رفعت حيلعبوا ناشف علي‮ ‬فراودة الأهلي الزملكاوية خايفين من تمريرات صفوت عبد الحليم والاهلاوية بيقولوا لو شطة مسك جعفر كويس الماتش خلص
‮ ‬الحكم إنجليزي ويمكن إيطالي مكافأة سيارة من شركة كذا لمن سيحرز هدف الفوز أسماء هيديكوتي ومايكل أيفرت وعبده صالح الوحش وعبد الرحمن فوزي والجوهري
وأبو رجيلة وزكي عثمان تملأ عناوين الصحف؟ إبراهيم الجويني‮ ‬غالبا المذيع لأنه سكندريس محايد المباراة أكيد في الأستاذ‮.‬
‮ ‬حنصلي الجمعة ونبدأ نتحرك ساندوتشات فول وطعمية من نجف وشوية‮ ‬يوستفاندي عيد في‮ ‬العائلة المصرية علي‮ ‬الغدا لمشاهدة المباراة مع بعض أهلاوية علي‮ ‬زملكاوية اللاعبين والجمهور في‮ ‬أنتظار درجات نجيب المستكاوي الماتش عمره ماكان زحمه في‮ ‬الاستاد‮ ‬مدرجات الاهلي مليانه شوية عن مدرجات الزمالك‮.‬
‮ ‬الأمن نفسه الماتش تعادل علشان العربيات حتفضل تزمر في‮ ‬الشوارع لو فريق كسب الماتش خلص قطعناكو حظكو جامد حكم ماعندوش فكره إيه التشكيل الغريب ده الفرقتين متفقين شوفت الترقيصة‮ ‬ياعم كورتين في‮ ‬العارضة وجون إوفسايد المهم كسبناكو حتشوفو بكره الجرايد حتقول إيه
‮ ‬كانت أيام وإن شاء الله حترجع وحتبقي أجمل وأجمل‮.. ‬زي ماكانت مصر حتروح والحمد لله رجعت وحتبقي أحلي وأجمل بإذن الله أكثر من‮ ‬100‮ ‬لقاء بين الاهلي والزمالك آلاف اللاعبين والحكام والمدربين والإداريين عشرات الوزراء والمسئولين ملايين المتفرجين والعشاق والمتعصبين مضوا جميعا وبقي الأهلي‮ ‬والزمالك‮ ‬وبقيت مصر وتحيا مصر