الفيسبوكيون يكشفون سبب منح جائزة الأم المثالية ل فيفي عبده

حالة من الرفض شبه الجماعي، انتابت الفيسبوكيين بمجرد سماعهم عن حصول الفنانة فيفي عبده علي جائزة الأم المثالية من نادي الطيران، حيث رأى الفيسبوكيون أن هناك الكثير من الأمهات اللاتي يستحقن الجوائز أكثر من فيفي عبده.
الأمر لم يخل من التهكم والسخرية من فيفي عبده ومن فنها، مع المطالبة بالتحقيق مع المسئولين عن إهداء فيفي الجائزة.
وفي ظل الهجوم العنيف الذي نال من فيفي عبده، ظهر من يحاول الدفاع عنها، ويؤكد أن الموضوع أخذ أكثر من حقه، وأن المسألة برمتها تعود إلى ابنتها المتبناة ليكتب الآتي:
"بالنسبة لموضوع فوز فيفي عبده بجائزة الأم المثالية في نادي الطيران ..الفيس بوك كله اتريق وجاب صور لفيفى وعمل كوميك ..
الحكاية إن تحية كاريوكا -الله يرحمها- كانت تبنت طفلة صغيرة قبل وفاتها بسنوات قليلة، وهي على فراش الموت طلبت من فيفي عبده أن تخلي بالها من البنت دي ..فراحت فيفى وأخدتها مع بناتها الصغيرين واعتبرتها بنتها وربتها ودخلتها أحسن مدارس . لغاية لما البنت دي كبرت وهي اللي طلبت تكريمها في النادي ..النادى إللى هم اعضاء فيه وبيدفعوا فلوس اشتراكه .كل سنة من جيبهم ..واللى بيكرم أمهات الأعضاء .. كل سنة بمناسبة عيد الأم فى حفلة جوه النادى
طبيعى أن البنت دى تشوف فيفى أحسن واحدة فى الدنيا ..وأحسن أم... بصرف النظر عن إني لسه شايف أن في أمهات تستحق التكريم .. أكتر منها بكتير بس ده مالوش علاقة بكمية التريقة والكوميكس والتشريد والهرى اللى حصل ..
ونقول تاني عشان المزايدات أيوه في أمهات أحق منها بالتكريم 100 مرة بس برضه احنا جرحنا فيها من غير لازمة"