رجال السياسة يسخرون من ظهور حوت أحدب بالقرب من الغردقة !

بعد الإعلان عن ظهور كائن بحري نادر بشهادة خبراء المحميات والبيئة وهو الحوت الأحدب عند جزيرة مجاويش بالغردقة، أبدى البعض مخاوفه من استيطان هذه الحيتان في البحر الأحمر بالغردقة، مما يضر بالسياحة في مصر كما حدث سابقا عندما هاجمت أسماك القرش السياح بشرم الشيخ، في حين استبعد آخرون حدوث ذلك مؤكدين أن ظهوره حدث عرضي لن يتكرر.
وبعيدا عن التباين في الآراء حول مدى إمكانية ظهور الحوت الأحدب مجددا من عدمه، أخذ الفيسبوكيون يعلقون على الخبر بطريقتهم الخاصة الساخرة، متخيلين تعليقات الشخصيات السياسية على الحدث ماذا ستكون؟.
- عفاف شعيب : يا جماعة إحنا منهارين ......انتوا متخيلين يعنى ايه ابن اختى كل يوم يصحى من النوم مفزوع يقولى يا عمتو أنا نفسى أكل زعانف حوت أحدب ...
- أنا كل يوم بحلم إن دبابات قلبت حيتان ........ المشير لازم يتصرف
- وائل غنيم : مش ذنبي ده ذنب كل حوت عايم فى بحر و متبت فيه
- نوارة نجم : حوت ايه اللى أخاف منه يا عينيه ده تحت جزمتى .... ده أنا أصطاده بعوامتى ?_? !!!
- عمرو مصطفى : يعنى إيه حوت أحدب من الغردقة ؟ كلنا عارفين أحدب بتاع خالتى نوسة فى فيلم يا أنا يا خالتى...... طب اشمعنا الغردقة؟. عايز تقولى إن خالتى نوسة من الغردقة؟ لا يا عدوى دى من إمبابة .......هتلاعبنى بالحوت ودينى ماجيك لاند !!!
- توفيق عكاشة : لو قولتلى يا برادعى "دكر الحوت" فيه كام كيلو لحمة مشفية من غير العضم................. "ااااااه" ننتخبك
- الأحزاب السياسية : مليونية لطرد الحوت من الغردقة و نقله لمزرعة أسماك طرة
- حزب الكنبة : الله يخرب بيتكوا ......حوت ايه بس ضربتوا السياحة و وقفتوا زعانف الأسماك و عجلة الإنتاج
- عمرو موسى : الحوت فى البحر و البحر فى الغردقة و لذلك يجب علينا أن نتكاتف من أجل زفارة أفضل!!!!
- حمادة هلال : الحوت الأحدب اللى فى بحر الغردقة بيعوم فى بحر الغردقة
أحد الشيوخ انت عارف يعنى ايه الحوت بتاعك فى بحر علمانى ؟؟؟؟ يعنى يعوم من غير خياشيم .....الحوت بتاعى أنا .....اه الحوت بتاعك انت ؟!!!!!
- البرادعى : يجب على الحكومة و المجلس العسكرى ان يتحملوا مسؤولية حياة مائية كريمة و زفرة للحوت
- التليفزيون المصرى : الحوت سببه ماس كهربائى
- حوت اللى وقع منك