إسرائيل تتهم المصريين بمعاداة السامية بسبب "أهبل وأغبى جاسوس في العالم"

بعد الإعلان السلطات المصرية القبض علي جاسوس إسرائيلي يدعي " إيلان جرابيل "، وبعد ما نال واجبه من الترحيب بطريقة المصريين الساخرة علي موقع "الفيس بوك"، من خلال صفحات عدة مثل "أهبل و أغبي جاسوس في العالم"، و "الجاسوس الإسرائيلي إيلان أعبط جاسوس في العالم"، و"إيلان جرابيل جاسوس وأهبل وزيمباوى كمان"، "قصة جاسوس"، وأخيرا "إحنا آسفين يا جاسوس".
انتقدت وسائل الإعلام الإسرائيلية "يديعوت أحرونوت" و"معاريف" والقناة السابعة للتلفزيون الإسرائيلى، تصرف المصريين التهكمي علي الفيس بوك، للمواطن " إيلان جرابيل " متهمين المصريين بأنهم أعداء السامية ولديهم كراهية مخبأه ضد اليهود.
و من الإفيهات المضحكة التي راجت بين المصريين علي صفحات الفيس بوك مثل:
- المجلس الأعلى عامل استفتاء على صفحته عشان نختار جنسية الجاسوس اللى جاى، يا ريت نشارك يا جماعه والنبي.
- الليلة عيد والجاسوس بيتجسس..ومدام الجاسوس بيتجسس يبقى الجاسوسة بتهييس.
- من المخابرات المصرية للموساد الإسرائيلي.. متشكرين يا رجاله علي الكاميرا الكانون والميموري ال 8 جيجا
- الجاسوس كان فاضله 3 صور وياخد الجنسية
- إحنا اللى ظلمنا الفلول وبهدلنا الأذناب معانا .. طلع الجاسوس هو اللى عمل الثورة بس
- ياجماعة لو سمحتم مش عاوزين تريقة... عايزين كلام جد شويه.. على فكرة الجاسوس ده اسمه الحقيقى ..حزلقوم.... وكان مسيف رقم نتنياهو باسم نتن مهمة
- و الله بيفكرونا بأيام جميلة ، أيام الجواسيس و الأكشن وهنلاقي قريب فيلم "جاسوس الجامع" وهيعرض كل سنة في احتفالات 25 يناير
- عاجل: اعتراف الجاسوس أمام النيابة لم أكن انتوى الجلوس في ميدان مصطفى محمود
- أول مرة أشوف جاسوس كل إمكانياته كاميرا موبايل وفلاشا والمعلومات اللى بينقلها صور له.. مكلفش الموساد تدريب ب 18 ج على بعض
- الجاسوس يعلن: لم أكن أنتوى التجسس لفترة ثانية
- النيابة للجاسوس: أنت جاى تتجسس ولا جاى تهرج؟..الجاسوس: لا أنا جاى أهرج
- إذا الجاسوس يومًا أراد الحياة.. فلابد أن يعدل البرايفاسى أوبشنز على الفيس بوك
- بيقولك الإسرائيليين هما اللى بلغوا عن الجاسوس بتاعهم لما لقوه عمال يبعزق فلوس الموساد على الفسح والخروجات
- رأفت الهجان وجمعة الشوان يتقدمان ببلاغ للنائب العام ضد الجاسوس الإسرائيلي بتهمة الإساءة للمهنة
- من الجاسوس الإسرائيلي إلى شعب مصر.. نشكركم على حسن تعاونكم.. بجد صورتونى أحلى صور في حياتي
- في السنة اللى مسكنا فيها الجاسوس الإسرائيلى هرب رشيد وغالى وحسين سالم.. مخابرات مصري.. أم الأجنبي