نزار الفارس يفاجئ منة عرفة على الهواء: «لية تتجوزي راجل مطلق مرتين؟»

طرح الإعلامي نزار الفارس، على الفنانة الشابة منة عرفة سؤالا محرجا: «ليه تجوزي راجل متجوز مرتين وعنده أولاد؟»، لترد الفنانة الشابة عليه قائلة: «أنا واحدة أول مرة أتجوز ويبقا عندي راجل أبقى مسئولة منه، محمود عشان اتجوز قبل كدا فعنده الخبرة دي، بيعرف يتعامل مع الست إزاي».
العند مع الارتباط ملهوش لازمة
وأضافت منة عرفة، خلال لقائها ببرنامج «مع الفارس»، الذي يقدمه الإعلامي نزار الفارس: «محمود عارف يعني إيه مسئولية، والدنيا كلها مطلقة، ولو اتطلقنا في المستقبل دا هيبقا نصيب، مش لأنه طلق قبل كدا».
وتابعت: «الحلو فيا أنا وجوزي، أن فيه بينا حاجات بتكمل بعض، يعني أنا عصبية جدًا وهو هادي جدا، أنا عنيدة ولكن هو أعند مني، بس مع الجواز والارتباط عرفت أن العند ده ملهوش لازمة ولميت نفسي عشان أحافظ على العلاقة».
فيه ناس كتيرة فرحت من خبر طلاقي
وعن رفض زوجها الظهور الإعلامي، قالت منة عرفة: «مش هو اللي رافض بس، أنا كان عندي رفض تام، وواخدين قرار أننا منعملش أي لقاءات صحفية أو تلفزيونية تاني، لأن لقينا حياتنا أهم من كل الكلام اللي هيحصل، أحنا اللي عملنا كده للأسف ولازم نتعلم من خطأنا، مفيش حد يتشهر أكتر لأن كل واحد فينا ناجح في مجاله».
وواصلت: «فيه ناس كتير فرحت من خبر طلاقي، فيه ناس كانوا عاملين رهان أننا هنطلق، وهو ده بقى السبب الرئيسي لغرضي وغرض محمود أننا منطلعش تاني، أول لما يلقوك وقعت بيعملوا فرح عليك، شوفنا كمية سواد وتنمر وحقد وشماتة في موضوع الطلاق رهيبة».
كواليس انفصال منة عرفة ومحمد المهدي
من جانبه كشف محمد المهدي زوج منة عرفة، تفاصيل أزمتهما مع الفنان محمد نجاتي، قائلا إن الأزمة بدأت بسبب عمل فنى جمع بين «نجاتي» و«منة».
وقال «المهدي»: «أحد الأشخاص داخل اللوكيشن نقل كلاما غير صحيح، أن هناك مشهدا يجمع منة ونجاتي وهو يحملها فيه، وهذا الأمر سبب أزمة كبيرة وصلت إلى حد وقوع الطلاق».