كهربا: دخلت للزمالك 84 مليون جنيه في سنتين.. وروحت الأهلي عشان بيتي

قال محمود عبدالمنعم كهربا لاعب النادي الأهلي، إنه لا يتعمد إثارة المشكلات لكن بعض الأطراف تحاول الزج به في الأزمات، موضحًا: «2 أو 3 في الإعلام بيفبركوا خبر وبعدين كل الناس تمشي وراهم، وده اللي عاملي أزمة في حياتي».
وأضاف «كهربا» في حواره مع الإعلامية بسمة وهبة مقدمة برنامج «العرافة»، على قناة «المحور»، أنه عندما شارك هدفا سجله في مرمى حارس النادي الأهلي محمد الشناوي، في إحدى الحصص التدريبية عبر حسابه على إنستجرام، لم تحدث أي مشكلة: «ماعاتبنيش، وبالنسبة للمشادة بيننا فهي كانت عادية، اتكلمت معاه بأسلوب وحش، فمش عجبه الكلام، فشدينا مع بعض، مش بسبب إني نشرت الهدف».
وتابع محمود عبدالمنعم، بأنه لم يكن «سكران» عندما تشاجر مع الشناوي: «بعدها قالوا إني اتخانقت في النادي وشتم وعمل، وبالنسبة للسهر وعلاقته بالأزمة، فأنا مش بخرج وأسهر وأشرب وأروح على النادي.. أنا عاوز أمشي في الحيط».
وحول علاقته بالزمالك، أوضح أنه قدم كل شيء لنادي الزمالك، لكن النادي رفض رفع قيمة عقده وهو ما دفعه إلى مغادرة النادي: «أنا شيلت الجميل للزمالك، بس دخلت لهم 84 مليون جنيه في سنتين وفي عز ما مكنش فيه فلوس في النادي، ولما طلبت أرفع عقدي ما وافقوش، ولما روحت الأهلي مكنتش طمعان في فلوس أكتر، كنت طمعان إني أرجع بيتي، ومن صغري كان نفسي ألبس تيشرت النادي الأهلي، أنا كنت رايح نجم ومعايا فلوس، ولو طمعان كنت روحت بيراميدز».