صورتان لأحمد فلوكس وتامر حسني أيام الجامعة.. «هذه قصة ضربهما»

نشر الفنان أحمد فلوكس صورة قديمة تجمعه مع الفنان تامر حسني أيام التحاقهما بالجامعة، وصورة لتامر بمفرده.
أحمد فلوكس ينشر صور قديمة مع تامر حسني
وكتب فلوكس، على الصورتين عبر حسابه الشخصي بموقع الصور والفيديوهات «إنستجرام»: «أنا وتامر أيام الكحرته، أيام الجامعة وسط كتب أبويا، أحلى أيام».
تامر حسني يحكي قصة الصور القديمة أيام الجامعة
ورد تامر حسني على الصور المنتشرة على حساب «فلوكس» من خلال خاصية ال «ستوري» وحكى قصتهما، قائلا إن هذه أول صورة تجمعه مع فلوكس: «بما أن فلوكس نزل صور الكحرته، هحكيلكوا حكايتهم أصلا، مش عارف إزا نجحنا في كلية إعلام أنا وفلوكس هنا بقى كنت طول الليل والنهار بعمل ألحان محدش بيسمعها غير فلوكس».
وأضاف تامر: «وطبعا اهتمامه بغنايا وألحاني واضح جدا في الصورة، وهو كان فلوكس العاطفي ليل نهار حب في التليفونات ومفيش مذاكرة لحد ما أبوه حبيب قلبي دخل شنقه بالسلك ده وأنا اخدتلي واحدة بالسماعة دي على دماغي».
وحكى تامر قصة الصورة الثانية الموجود بها بمفرده وسط الكتب موضحا: «والصورة اللي تحسوا أن أنا فيها نجيب محفوظ دي، كانت تمويه عشان أبوه أول ما يدخل يلاقيني في السليم وأحمد يتروق لوحده، حبيبي يا لوكس أحلى أيام والله، سلملي على بابا جدا وقوله ضربة السماعة طمرت أهيه».
أحمد فلوكس يرد على حكايات تامر حسني للصور القديمة
وبعد ذلك رد فلوكس الذي نشر صور أخرى له أيضا قديمة على حسني وحكايته للصورتين، قائلا من خلال خاصية ال «ستوري»: «أحلى أيام يا تامر أقسم بالله».
وجاءت التعليقات من المتابعين ب «تامر موافق على عرض الصور، أنت متأكد»، و«اعترف كنت بتعاكس مين يا فلوكس»، و«برده عساسيل»، و«تامر فعلا يستحق كل ما وصل له الآن»، و«حلوة أوي الصور دي»، و«فعلا شكلكم كحرته».