عمر كمال يشبه حمو بيكا ب أحمد زويل.. والجمهور: كفاية جهل

أثار مغنيا المهرجانات حمو بيكا وعمر كمال، غضب الجمهور، خلال الساعات القليلة الماضية، بعدما جرى تشبيه الأول، ب العالم المصري الراحل الدكتور أحمد زويل.
ونشر مؤدي المهرجانات حمو بيكا، صورة له، عبر حسابه الشخصي على موقع التواصل الاجتماعي «فيس بوك»، مُعلقًا عليها بقوله: «أنا أكتر شاب بفضل الله أعطيت الأمل لجيل كامل»، ليرد عليه عمر كمال، قائلًا: «بيكا زويل الجيل».
وشنّ قطاع كبير من الجمهور، هجومًا حادًا على عمر كمال، وحمو بيكا، بعد الإشارة إلى الدكتور أحمد زويل، إذ قال أحد المتابعين: «إيه القرف اللي إنت بتقوله ده يا ابني، ابعد اسم الدكتور زويل عن القرف اللي إنتو بتقدموه ده، وكفاية عبث وجهل بقى لحد كدة»، فيما قال آخر: «زويل مين يا ابني إنت؟.. هتجيب مين لمين!.. هتجيب بتاع المهرجانات لزويل العالم!».
وأضاف واحد من مُتابعي حمو بيكا، قائلًا: «إنتم بوظتوا الجيل وإنت أولهم يا عمر.. وفعلًا زويل مات وماتت معه القيم والذوق».
وقالت إحدى متابعات عمر كمال: «زويل!.. عايزة أفهم حاجة.. إنت وهو بتعملوا إيه غير إنكم أراجوزات، بجد كنت بحترمك وبحبك ونزلت من نظري بقالك فترة على ردودك اللي تقرف.. إنتو الاثنين فشلة وبوظتوا جيل كامل حسبي الله ونعم الوكيل فيكم».
وأبدت متابعة تدعى «إيمي» دهشتها بقولها: «لما كل دول شايفين إنهم سبب فساد جيل كامل.. أومال مين اللي بيسمع ليهم يا جماعة؟ ليه مفيش رقابة على إخواتنا ونخليهم ميسمعوش الحاجات دي.. عندي أولاد إخواتي عاملين رقابة عليهم في الحاجات اللي بيشوفوها ويسمعوها.. لازم يكون فيه رد فعل قوى مننا على نفسنا وعلى أولادنا مش كومنتات وبس.. بجد مستغربة لما كل الكومنتات منتقداهم أومال كمية المشاهدة العالية بتجيلهم إزاي ما إحنا السبب».