عاجل.. السيسي: حادث قطار سوهاج وجعنا كلنا

تطرق الرئيس عبدالفتاح السيسي، للحديث عن حادث قطار سوهاج، قائلا: «حادثة القطار ألمتنا كلنا ووجعتنا كلنا.. كلنا بنوضب بيوتنا أحيانا وبعضنا بيوضب بيت جديد بس ياترى اللي بيوضب بيت جديد أسهل ولا اللي بيوضب القديم اللي قاعد فيه أسهل؟».
وتابع: «ال2000 كيلو سكة حديد مش هتحسوا بيهم غير واحنا بنفتتحهم، ولكن اللي بنعمله على الشبكة القديمة ال10 آلاف كيلو بنعملهم، وعاوزين نخلي الناس تتحرك عليهم ومانقدرش نقول للناس استحملونا لحد ما نخلص المشروع، وإحنا بنعمل ده هيحصل تأخير على الناس بس الناس لازم تستحمل».
وأضاف الرئيس خلال مؤتمر صحفي على ضفاف قناة السويس: « الأنظمة الحديثة اللي عملناها قادرة على تأمين الحركة على السكة في ظل الظروف اللي وصلتلها دلوقتي، ولكن الجزء اللي مدخلهوش الأنظمة الحديثة يتدخل بها العامل البشري وبيحصل فيه مشاكل، وهنا النظم الموجودة تقدر تأمن الجزء اللي لسه مدخلهوش النظام الجديد.. الجرار اللي خبط القطر المفروض يكون فيه معدات توقفه من غير ما حد يتدخل».
وتابع الرئيس: «إحنا يا نوقف القطارات خالص يانوقفها بشكل نسبي ويكون في تأخير أو نخليها زي ماهي ونتحمل الخسائر، ولكن مش هنقدر نتحمل الخسائر.. منقدرش نشيل ذنب روح إنسان.. لكن وقت ما أقولك خلصنا المشروع تعالى أسالني مسألة سياسية وفنية وكل اللي انت عاوزه.. النقل في مصر هيتكلف 100 مليار دولار.. إحنا حاجة حلوة أوي بفضلك يارب».