كلمات أغنية روبي أنا لو زعلانة الجديدة: مش كنت أنا أولى بكل دقيقة ضاعت وياك

حققت أغنية روبي الجديدة والتي تحمل اسم «أنا لو زعلانة» منذ طرحها في الساعات القليلة الماضية ما يقرب من 80 ألف مشاهدة على موقع المشاهدات الشهير «يوتيوب»، وظهرت روبي في الفيديو كليب بمفردها وهي ترتدي فستانا أبيض قصير وجاكت جلد أسود.
كواليس تصوير الأغنية
وجرى تصوير أغنية روبي الجديدة بشوارع وشواطئ محافظة بورسعيد، وبدا الحزن على ملامحها خصوصًا وأن الأغنية تحمل كلماتها نوعًا من الحزن والدراما تعبر عن الفراق الذي يقع بين اثنين من الأحبة.
أغنية روبي «أنا لو زعلانة» من كلمات الشاعر حسام سعيد، وألحان خالد حلمي، وتوزيع موسيقي أحمد إبراهيم، والفيديو كليب من إخراج مصطفى عامر.
كلمات أغنية روبي الجديدة أنا لو زعلانة
لا عادي براحتك.. مين قالك إني أنا مضايقة
من الأول عارفة إنك ماشي ومش هبقى أنا ليك
لا عادي براحتك تبعد تفضل مش فارقة
طول عمرك موجود في حياتي ومش حاسة أنا بيك
أنا لو زعلانة.. زعلانة على وقتي اللي معاك ضيعته
على قلبي اللي بإيده وجعته
على ثقتي في نفسي اللي اتهزت 100 مرة معاك
أيوة أنا غلطانة بأمانة
كان لازم تيجي مني من الأول
أنا ليه سيبت الوقت يطول
مش كنت أنا أولى بكل دقيقة ضاعت وياك
وياعم بسيطة بالتوفيق ألف سلامة
الروح في إيدين اللي خالقها وأنا لسه بعيش
وياعم بسيطة منك في الدنيا دي ياما
أنا بس اللي مكنتش شايفة وكان في تشويش
أنا لو زعلانة.. زعلانة على وقتي اللي معاك ضيعته
على قلبي اللي بإيده وجعته
على ثقتي في نفسي اللي اتهزت 100 مرة معاك
أيوة أنا غلطانة بأمانة كان لازم تيجي مني من الأول
أنا ليه سيبت الوقت يطول مش كنت أنا أولى بكل دقيقة ضاعت وياك