كشفت سارة، ابنة الفنان أحمد بدير، عن تعرضها لوعكة صحية، خلال الأيام القليلة الماضية، الأمر الذي دفعها لإجراء بعض التحاليل، بشأن الاطمئنان على حالتها الصحية، والوقوف على تشخيص الأمر بشكلٍ دقيق. وكتبت سارة بدير، عبر حسابها الشخصي على موقع التواصل الاجتماعي «فيس بوك»، قائلة: «يا رب يشفى كل مرضى كورونا يارب.. بقالى كام يوم تعبانه الحمد لله، وتحاليل الدم بتقول احتمال كورونا بس لسه معملتش pcr وأشعة الصدر». وتابعت: «معنديش مشكلة فى الحرارة.. مشكلتى الحقيقية فى صدرى وخصوصًا إنى مريضة ربو من وأنا صغيرة وعشان كده بدأت البروتوكول بقالى يومين وربنا يسهل.. آسفة مش عارفة أرد على التليفون عشان الكحة.. إن شاء لله خير». أزمة مي العيدان وكانت سارة أحمد بدير، قد آثارت جدلًا واسعًا، قبل شهورٍ قليلة، بعدما نشرت الإعلامية الكويتية مي العيدان، صورتها بصحبة والدها، عبر حسابها الشخصي على موقع تبادل الصور والفيديوهات «انستجرام»، مُعلقة عليها بقولها: «صورة ابنة الفنان أحمد بدير، والله طلعت بنته مزة، بنت الأقرع»، لتتلقى المُذيعة هجومًا ضخمًا من قبل المتابعين. وحرصت سارة بدير، على الرد عليها بعد ساعات، حيث كتبت عبر حسابها الشخصي على موقع التواصل الاجتماعي «فيس بوك»، قائلة: «أنا أسمع عن حضرتك طبعا وأعرف إنك شخص مشاكس يعشق التنمر، وخصوصا التنمر على الفنانين، بس حابة أوضح لك كام حاجة كده، أولًا: أنا أبويا نجم كبير من نجوم الوطن العربي، وماحدش هيسمحلك تتكلمي عليه نص كلمة، وأعتقد إنك شوفتي ده كفاية في هجوم الوطن العربي كله عليكي، اللي أنا نفسي اتفاجئت بيه وبشكر كل الناس اللي ردت غيبتنا». وتابعت: «ثانيًا لو الفنانين بالنسبة لك حياتهم مستباحة فأنا مش فنانة، عشان تحطيني معاهم في جملة مفيدة، مع احترامي لكل الفنانين طبعا، ثالثًا أبويا اللي حضرتك بتغلطي فيه ده علمني أرفض التنمر بجميع أشكاله وحضرتك غلطتي فأنا أكيد مش هسكت، وأخيرًا أنا أبويا زي القمر ورأيك بعد إذنك احتفظي بيه لنفسك بعد كده».
