السيسي للمصريين: محدش هيقدر يدخل بينّا.. رهاني عليكم كسبان

قال الرئيس عبدالفتاح السيسي، إنّه يراهن دائما على المواطنين، "أنا دلوقتي بشكر المصريين، فيه ناس قعدت الأسبوع اللي فات يولعوا الدنيا، يستغلوا المواقف الصعبة اللي إحنا بنعملها، طب ما إحنا يا إما نعمل يا إما نسكت".
وأضاف السيسي، خلال افتتاحه مجمع التكسير الهيدروجيني بمسطرد شرق القاهرة: "بيستغلوا الظروف الصعبة عشان يسيئوا ويشككوا ويقولوا إنّ ده على حساب المصريين، بس أنا رهاني عليكم، اللي بيتعمل بيتعمل بيكوا انتوا".
وتابع الرئيس، موجّها حديثه للشعب المصري: "محدش هيقدر يدخل بينّا، بنجري ونعمل، رهاني على الناس، خلال السنين كل رهاني كان كسبان، السبب الأول إننا نصلح في الأرض ولا نفسد، لو بفسد في الأرض أبقى خايف لأن ربنا مش هيكون معانا، لأ إحنا بنعمل إصلاح إن شاء الله".