السيسي عن شائعة ال500 جنيه: فلوسك هتوصلك.. لكن من غير حشد

علق الرئيس عبدالفتاح السيسي، على الشائعة التي تسببت في تجمهور عدد كبير من المواطنين أمام أفرع أحد البنوك، للحصول على 500 جنيه.
وقال السيسي خلال تفقده عناصر ومعدات أطقم القوات المسلحة المخصصة والمعاونة للقطاع المدني في مكافحة فيروس كورونا: "الفصيل الشرير بيطلع شائعة كل يوم، بيجمعك وبيكسر خاطرك، لأن الإجراءات لسه متعملتش عشان تصرفلك الفلوس دي، مش عشان إحنا مقصرين، لكن الإجراء ده هيوصل لملايين، ولازم آليات عشان نوصل الفلوس دي".
وأضاف الرئيس: "وده كلام محتاج نقاش كتير، عشان نحقق الكفاءة في الجهد، عاوز أوصل حاجتك من غير ما يكون في حشد في أماكن الصرف زي البنوك ومكاتب البريد خوفًا عليك، فلوسك هتوصلك".
وأضاف: "في النهاية اللي قلناه هنفذه ليكم، الدولة مش بتتحرك في اتجاه تشعل نقطة وتسيبها، هي إجراءات متسلسلة هدفها الوصول بالبلد إلى أقل ضرر من هذا الوباء، في كل شيء، زي الاقتصاد والصحة".
وتابع: "إحنا هنعلن عن الإجراء، وأرجو يكون الإعلام منتبه، ولو في توجيهات تنفيذية للحكومة، تناولوها بسرعة وشكل متكرر حتى تصل لكل الناس".